Fleiri fréttir

Borgaði 200 evrur fyrir stefnumót með ráðherra

Á uppboði sem haldið var í tengslum við ráðstefnunna Driving Sustainability var hægt að bjóða í stefnumót með Katrínu Júlíusdóttur iðnaðarráðherra. Það var Pétur Haraldsson stofnandi Driving Sustainability sem hreppti hnossið. Greiddi hann 200 evrur, sem samsvarar um 30 þúsund krónum, fyrir stefnumótið.

Vilja framleiða gervieldsneyti á Grundartanga

Japanska stórfyrirtækið Mitsubishi vill hefja framleiðslu á gervieldsneyti á Grundartanga. Umboðsaðili fyrirtækisins hér á landi segir fyrstu niðurstöður jákvæðar og nú taki við að fá fleiri aðila að borðinu.

Svíar ganga að kjörborðinu á morgun

Svíar ganga að kjörborðinu á morgun og gefa skoðanakannanir til kynna að bandalag mið- og hægriflokka undir forsæti Fredriks Reinfeldt forsætisráðherra haldi velli.

UJH segja landsdóm hengja bakara fyrir smið

Ungir Jafnaðarmenn í Hafnarfirði vilja að það verði réttað yfir þeim ráðherrum sem sátu í ríkisstjórnum Davíðs Oddsonar og Halldórs Ásgrímssonar og segja það varhugavert að koma á landsdómi. Vilja þeir meina að þar sé bakari hengdur fyrir smið. Þetta kemur fram í ályktun félagsins sem þeir sendu fjölmiðlum í dag.

Reyndu að sprengja páfann í loft upp

Benedikt páfi sextándi átti fund með David Cameron forsætisráðherra Bretlands á öðrum degi opinberrar heimsóknar sinnar til landsins í dag.

Piltur tekinn á ofsahraða

Ungur maður var stöðvaður af lögreglunni á Akureyri fyrir að aka á 107 kílómetra hraða þar sem hámarkshraðinn var 50 kílómetrar.

Mikið um sjúkraflutninga í nótt

Slökkviliðið á höfuðborgarsvæðinu hafði í nægu snúast í nótt en alls var slökkviliði kallað sextán sinnum til sjúkraflutninga. Þar af voru sex slasaðir færðir á spítala með forgangsflutningum.

Straumur fólks til Stígamóta

Hópur eldra fólks hefur leitað til Stígamóta undanfarið vegna kynferðisofbeldis sem það kveðst hafa orðið fyrir og þaggað hafi verið niður í skjóli embættisvalds. Aðsóknin er svo mikil að þeir sem eru að koma í fyrsta skipti þurfa að bíða á þriðju viku áður en þeir komast að, sem er einstök staða. Þetta segir Guðrún Jónsdóttir, talskona Stígamóta.

Það er enginn Evrópuher fyrir börnin

„Það er enginn Evrópuher til fyrir börnin að fara í og ef einhver myndi vilja neyða þau í her, þá gæti það einmitt verið NATO, sem Ísland hefur verið hluti af í sextíu ár,“ segir Alyson Bailes, fyrrum sendiherra Breta í Finnlandi og aðjúnkt við HÍ.

Málsvörn ráðherranna

Enginn ráðherranna fjögurra sem meirihluti þingmannanefndar telur hafa brotið lög í embætti á árinu 2008 kannast við slíkt. Þvert á móti vísa þeir öllum slíkum ásökunum út í hafsauga.

Fellur í skugga kynferðisbrota

Benedikt páfi viðurkenndi í vikunni, þegar hann kom í opinbera heimsókn til Bretlands, að kaþólska kirkjan hafi hvorki brugðist nógu fljótt né nógu ákveðið við þegar prestar hafa verið sakaðir um kynferðisbrot gegn börnum. Hann sagði það nú vera fyrsta forgangsmál kirkjunnar að hjálpa fórnarlömbum slíkra brotamanna að ná sér.

Hávaðarifrildi við Sarkozy

Nicolas Sarkozy Frakklandsforseti átti í hörkurifrildi við aðra leiðtoga Evrópusambandsríkjanna á leiðtogafundi þeirra í Brussel í gær. Sarkozy var afar ósáttur við gagnrýni Evrópusambandsins á aðgerðir franskra stjórnvalda gegn sígaunum, eða rómafólki eins og þeir nefna sig sjálfir.

Furðar sig á vinnubrögðum

Lögskýringarleið sú sem sögð er sýna fram á að kaup Magma Energy í Svíþjóð á HS Orku kunni að hafa verið óheimil á ekki við samkvæmt því sem segir í minnisblaði lögfræðings iðnaðarráðuneytisins sem lagt var fyr

Reyna allt til að hindra svindl

Mikill viðbúnaður lögreglu og hers er í Afganistan vegna þingkosninga, sem haldnar verða þar í dag. Óttast er að andstæðingar bæði stjórnvalda og erlenda herliðsins reyni að trufla framkvæmdina með ofbeldi og hótunum.

Framsóknarmenn verjast ásökunum

Það er rangt að breytingar á útlánareglum Íbúðalánasjóðs árið 2004 hafi ráðið úrslitum um þenslu í hagkerfinu. Bankarnir bera þar höfuðábyrgð. Þetta segja þrír fyrrum ráðherrar Framsóknarflokksins – hver í sínu lagi – í bréfum til þingmannanefndarinnar sem fjallaði um skýrslu rannsóknarnefndar Alþingis.

Gagnaveitan unir úrskurði

Fjarskiptamál Gagnaveita Reykjavíkur hyggst una úrskurði Póst- og fjarskiptastofnunar þess efnis að greiða skuli vexti af láni Orkuveitu Reykjavíkur (OR) til fyrirtækisins tvisvar á ári. Lánið er tilkomið vegna aðskilnaðar Gagnaveitunnar og OR, sem Póst- og fjarskiptastofnun mælti fyrir um. Stofnunin gerði á miðvikudag alvarlegar athugasemdir við lánið.

Vill vinna bug á ríkishallanum

Alan Greenspan, fyrrverandi seðlabankastjóri Bandaríkjanna, mælir fyrir því að stjórnvöld vestanhafs hækki skatta svo þau geti unnið bug á hallarekstri. Þetta þykir óvenjulegur viðsnúningur hjá Greenspan, sem var seðlabankastjóri á árunum 1987 til byrjun árs 2006, enda studdi hann skattalækkanir í tíð George W. Bush forseta og hefur fram til þessa talið hækkun þeirra hafa neikvæð áhrif. Bloomberg-fréttaveitan bendir á að Greenspan hafi ekki talið skattalækkanirnar koma illa við hið opinbera þá vegna þess að afgangur var af fjárlögum. Aðstæður séu aðrar nú.

Eldur í gaskút í Hafnarfirði

Eldur kviknaði gaskút við íbúðarhús í Hafnarfirði í kvöld. Slökkviliðið á höfuðborgarsvæðinu var kallað til aðstoðar en ekki reyndist um mikinn eld að ræða. Þá var slökkviliðið kallað út vegna olíuleka eftir árekstur á Hringbraut um eittleytið í dag. Ekki var um mikinn leka að ræða.

Ómar opnaði sýningu á vistvænum fyrirtækjum

Ómar Ragnarsson, sem átti sjötugs afmæli í gær, opnaði í dag sýningu á vistvænum farartækjum Vetrargarðinum í Smáralind í tilefni af Evrópskri samgönguviku. Á sýningunni gefst almenningi möguleiki á að kynna sér kosti hinna ýmsu farartækja sem nota vistvæna orkugjafa, svo sem metan, vetni og rafmagns.

Laug að hún bæri barn undir belti

Héraðsdómur Reykjavíkur dæmdi í dag konu á þrítugsaldri í skilorðsbundið fangelsi fyrir ærumeiðandi aðdróttanir. Konan sendi bréf á fyrrum samnemanda sinn í flugumferðarstjórnarnámi og sagðist vera ófrísk eftir eiginmann hennar. Konan sem fékk bréfið var þá í miðjum próflestri.

Frjálsíþróttafólk slegið óhug

Fréttir af árásum á heimili kúbversku feðgana Alberto og Ramon Borges hafa vakið óhug á meðal íþróttafólks sem þekkir þá vel af góðu starfi þeirra innan frjálsíþróttahreyfingarinnar. Þetta kemur fram í tilkynningu á vef Frjálsíþróttasambands Íslands.

Vilja álit EFTA dómstólsins á hæstaréttardómnum

Stjórnarfundur Hagmunasamtaka heimila samþykkti einróma sídegis að leita til ESA, eftirlitsstofnunar EFTA, vegna niðurstöðu Hæstaréttar frá því í gær. Jafnframt að leita leiða til að fá álit EFTA dómstólsins. Á annað hundrað manns staðfestu í dag þátttöku sína í hópmálsóknum Samtaka lánþega gegn fjármálafyrirtækjum. Talsmaður samtakanna segir viðskiptaráðherra ekki geta sett lög sem berji niður betri rétt lánþega.

Lengsta ferðasumarið á Vestfjörðum

Ferðaþjónustan á Vestfjörðum er að upplifa lengsta ferðamannasumarið til þessa. Erlendir ferðahópar eru enn að mæta í Hornstrandasiglingar, sem venjulega hafa hætt um miðjan ágústmánuð.

Vélstjórar hjá Hafró samþykktu kjarasamning

Kosningu um kjarasamning VM, vegna vélstjóra á skipum Hafrannsóknastofnunar, lauk klukkan þrjú í dag og var samningurinn samþykktur með öllum greiddum atkvæðum. Í fréttatilkynningu frá VM kemur fram að megininntak samningsins sé að kjarasamningur og launakerfi vélstjóranna verði endurskoðað. Stefnt er á að ljúka þeirri vinnu í febrúar á næsta ári.

Upprætti tvær fíkniefnaverksmiðjur

Lögreglan upprætti nýlega tvær kannabisverksmiðjur. Annars vegar í húsi i Árbæ. Þar fundust tæplega 400 kannabisplöntur á ýmsum stigum ræktunar. Þrír karlar á þrítugsaldri voru handteknir í tengslum við rannsókn málsins.

Herjólfur siglir til Landeyjahafnar á morgun

Herjólfur mun sigla samkvæmt áætlun til Landeyjahafnar í fyrramálið. Þetta var ákveðið eftir dýptarmælingar í höfninni síðdegis. Fyrsta brottför frá Vestmannaeyjum verður klukkan níu og frá Landeyjarhöfn klukkan hálfellefu.

Forseti Íslands tekur á móti forseta Slóvakíu

Forseti Slóvakíu Ivan Gašparovič kemur í heimsókn til Íslands síðdegis á sunnudaginn og á fundi með forseta Íslands Ólafi Ragnari Grímssyni, Jóhönnu Sigurðardóttur forsætisráðherra og Össuri Skarphéðinssyni utanríkisráðherra auk þess sem hann heimsækir Alþingi.

Fékk nýtt hjarta í Svíþjóð

Pálfríður Sigurðardóttir greindist með veiru í hjarta fyrir tíu árum, þá aðeins 29 ára gömul. Hún fékk nýtt hjarta á sjúkrahúsi í Svíþjóð fyrir örfáum vikum eftir að hafa glímt við erfið veikindi á undanförnum mánuðum. „Ég er aðeins byrjuð að labba aftur. Þetta er allt í rétta átt. Það koma samt dagar þar sem heilsan er upp og niður," segir hún.

Bændur vilja sömu kjör og einstaklingar í gengislánum

Nauðsynlegt er að staða bænda sem tóku gengisbundin lán sé skýrð hið fyrsta. Eðlilegt sé að skuldamál bænda séu meðhöndluð á sama hátt og skuldamál einstaklinga. Þetta er mat Bændasamtaka Íslands í kjölfar dóms Hæstaréttar frá því í gær þar sem kveðið er á um vaxtakjör á ólöglegum gengisbundnum lánum.

Þrettán ára drengur gekk berserksgang

Þrettán ára drengur gekk berserksgang í Valhúsaskóla á Seltjarnarnesi í morgun og var lögregla kölluð til. Drengurinn réðist bæði að samnemendum sínum og starfsfólki skólans. Hann braut einnig innanstokksmuni og rúðu en engin slys urðu á fólki.

Lögreglan leitar að þessu fólki

Lögreglan á höfuðborgarsvæðinu þarf að ná tali að fólkinu á meðfylgjandi mynd. Ef einhver kann deili á fólkinu er sá hinn sami vinsamlegast beðinn um að hafa samband við lögregluna í síma 444-1553.

Styðja WikiLeaks hermanninn

Stuðningsmenn bandaríska hermannsins Bradley Mannings ætla að halda útifundi honum til stuðnings í nítján borgum Bandaríkjanna í dag.

Fjölskylda sprengjumannsins flúin

Fjölskylda sprengjumannsins í Danmörku virðist vera í felum. Móðir og systir Lors Doukaiev bjuggu með honum í Belgíu.

Þingfundi óvænt frestað

Þingfundi á Alþingi var óvænt frestað eftir hádegi í dag og hefur ekki verið ákveðið hvenær þingfundur hefst að nýju. Heimildir Vísis herma þó að það verði ekki fyrr en á mánudaginn kemur. Atli Gíslason formaður Atlanefndarinnar svokölluðu mælti í morgun fyrir þingsályktunartillögu þess efnis að fjóra fyrrverandi ráðherra skyldi draga fyrir landsdóm.

Sjá næstu 50 fréttir

Mest lesið