Ómar opnaði sýningu á vistvænum fyrirtækjum

Ómar Ragnarsson, sem átti sjötugs afmæli í gær, opnaði í dag sýningu á vistvænum farartækjum Vetrargarðinum í Smáralind í tilefni af Evrópskri samgönguviku. Á sýningunni gefst almenningi möguleiki á að kynna sér kosti hinna ýmsu farartækja sem nota vistvæna orkugjafa, svo sem metan, vetni og rafmagns.

Í tilkynningu frá umhverfissviði Mosfellsbæjar kemur fram að Evrópsk samgönguvika er haldin ár hvert dagana 16.-22. september til að hvetja almenning, fyrirtæki og sveitastjórnir til vistvænni samgöngumáta, með áherslu á hjólreiðar, almenningssamgöngur og vistvæn farartæki.

Sýningin í Vetrargarði Smáralindar er opin alla helgina til kl. 18:00 og þar má meðal annars skoða rafmagnsreiðhjól, rafskutlur og rafmagnsvespu, auk vistvænna bifreiða.