Stöðvaður á yfir 190 kílómetra hraða

Ökumaður á vélhjóli var stöðvaður eftir að hann hafði mælst á 192 kílómetra hraða á þjóðvegi 1, rétt austan við Selfoss eftir hádegið í dag. Maðurinn var færður á lögreglustöð þar sem hann var sviptur ökuréttindum til bráðabirgða. Maðurinn verður ákærður vegna athæfisins enda sagði lögreglumaður á Selfossi í samtali við Vísi að hraðinn væri það mikill að hann væri búinn að sprengja alla „sektarskala".

Aksturstími til Ísafjarðar styttist um eina og hálfa klukkstund

Samgönguráðherra vígði í dag eina tignarlegustu brú landsins, bogabrúna yfir Mjóafjörð. Aksturstími að vetri milli Reykjavíkur og Ísafjarðar styttist um eina og hálfa klukkustund með samgöngumannvirkjum sem eru að komast í gagnið.

Flæmdur frá heimalandi sínu

Mikhail Voitenko blaðamaður hefur flúið Rússland vegna ásakana hans um að Arctic Sea, skipið sem menn telja að hafi verið rænt í júlí, hafi verið í vopnaflutningum. Voitenko segir að honum hafi verið sagt að flýja frá landinu eða eiga hættu á handtöku.

Þiggja á annað hundrað milljóna króna frá OR

Ráðgjafarfyrirtækið Arctica Finance, sem er í eigu fyrrverandi starfsmanna Landsbankans, þiggur á annað hundrað milljóna króna, fyrir ráðgjöf til Orkuveitu Reykjavíkur. Fyrirtækið fær peningana fyrir að finna kaupanda að hlut Orkuveitunnar í HS orku.

Jóhanna skrifaði starfsbræðrum bréf vegna Icesave

Jóhanna Sigurðardóttir forsætisráðherra sendi starfsbræðrum sínum í Bretlandi og Hollandi bréf í síðustu viku vegna samþykktar Alþingis á lögum um ríkisábyrgð í tengslum við Icesave samningana. Óskaði Jóhanna atbeina þeirra til að ná fram farsælli lausn að því er varðar Icesave málið og fjallaði um hugsanlega fundi forsætisráðherranna.

Meintur tóbaksþjófur áfram í gæsluvarðhaldi

Hæstiréttur Íslands staðfesti gæsluvarðhaldsúrskurð yfir manni sem var handtekinn ásamt tveimur öðrum mönnum í Árbæ í fyrrakvöld en þeir eru grunaðir um að hafa brotist inn í verslun í Hraunbæ.

Ekið á níu ára stúlku

Ekið var á gangandi vegfarendur á tveimur stöðum á höfuðborgarsvæðinu í gær. Níu ára stúlka varð fyrir bíl á Rauðalæk síðdegis og var hún flutt á slysadeild.

Reyna að bæta skuldastöðu einyrkja

Stjórnvöld kanna sérstaklega hvernig unnt er að bæta skuldastöðu einyrkja sem eiga í miklum greiðsluerfiðleikum. Margir þeirra hafa lagt allt undir, bæði atvinnurekstur og heimili.

Grunaður yfirheyrður vegna vídeóleigubruna

Maður hefur verið yfirheyrður vegna brunans í Laugarásvídjói síðustu helgi. Að sögn Friðriks Smára Björgvinssonar, yfirlögregluþjóns, var maðurinn látinn laus eftir yfirheyrslur en rannsóknin heldur áfram.

Fleiri greinast með svínaflensu

Alls hafa 168 greinst með svínaflensu (H1N1) vegna sýkingu á Íslandi sem staðfest voru á veirufræðideild Landspítala, samkvæmt upplýsingum frá Landlæknisembættinu. Þar af eru 92 karlar og 76 konur. Í síðustu viku höfðu 162 greinst með flensuna.

VG vilja einkavæða bílastæðahús borgarinnar

Meirihluti Sjálfstæðisflokks og Framsóknarflokks samþykkti tillögu VG á fundi borgarráðs í dag um könnun á kostum þess að bílastæðahús borgarinnar verði seld. Tillagan var samþykkt með fimm atkvæðum Sjálfstæðisflokks, Framsóknarflokks og Vinstri grænna. Fulltrúar Samfylkingarinnar bókuðu hinsvegar fyrirvara við málið og sátu hjá.

Ásættanleg niðurstaða fyrir borgina

Niðurstaðan eftir rúmlega hálfs árs söluferli Orkuveitu Reykjavíkur á hlut sínum í HS Orku er góð fyrir Orkuveitu Reykjavíkur og eigendur hennar, að fram kemur í tilkynningu frá borginni. Borgarfulltrúar meirihlutans styðja söluna.

Lögðu fram á þriðja tug fyrirspurna varðandi HS Orku

Fulltrúar Samfylkingar og VG lögðu fram á þriðja tug fyrirspurna varðandi söluna á HS Orku á fundi borgarráðs í dag. Sigrún Elsa Smáradóttir, borgarfulltrúi Samfylkingarinnar og fulltrúi flokksins í stjórn Orkuveitunnar, segir málið yfirgripsmikið og því hafi minnihlutaflokkarnir lagt fram fyrirspurnirnar.

Blása til mótmælatónleika vegna Ingólfstorgs og Nasa

Áhugahópur um björgun Ingólfstorgs hefur blásið til baráttutónleika sem verða haldnir á torginu á laugardaginn.

Borgarráð frestar afgreiðslu á sölu HS orku

Borgarráð Reykjavíkur hefur að ósk fulltrúa minnihlutans í ráðinu ákveðið að fresta um viku afgreiðslu á sölu á hlut Orkuveitur Reykjavíkur í HS Orku til Magma Energy.

Flóttamenn handteknir við komuna til Íraks

Íraska lögreglan hefur handtekið fimm flóttamenn sem dönsk yfirvöld sendu heim til Íraks í gær. Sautján flóttamenn sem einnig var flogið með til Íraks munu á leið til norðurhluta landsins þar sem vinir og vandamenn eru sagðir bíða þeirra.

Flóahreppur fékk einnig greiðslur frá Landsvirkjun vegna skipulagsvinnu

Flóahreppur, hefur eins og Skeiða- og Gnúpverjahreppur, fengið greiðslur frá Landsvirkjun vegna skipulagsvinnu. Upplýsingafulltrúi Landsvirkjunar segir að greiðslur til sveitarfélaganna séu að öllu í samræmi við lög og vísar því á bug að þær séu óeðlilegar.

Ísafjarðarleiðin að styttast um 72 kílómetra

Byrjað verður eftir helgi að leggja klæðningu á Arnkötludalsveg en með honum hverfur síðasti ómalbikaði kaflann á leiðinni milli Reykjavíkur og Ísafjarðar. Verktakinn segir fátt geta komið í veg fyrir að vegurinn verði opnaður fyrir mánaðamót. Vestfirðingar fagna í dag vígslu Mjóafjarðarbrúar en með henni losna þeir við síðustu malarkaflana á Djúpvegi.

Viðbrögð Hollendinga og Breta kynnt fjárlaganefnd

Viðbrögð Hollendinga og Breta við fyrirvörum við Icesave ríkisábyrgðina verða kynnt fjárlaganefnd á fundi sem hefst nú á hádegi.

Ekki mútugreiðslur

„Þarna er lítið sveitarfélag að takast á við gríðarlega stórt verkefni sem kostar mjög mikið og það er ekkert óeðlilegt að það sé farið fram á það við framkvæmdaaðila að hann greiði kostnað sem fellur á sveitarfélagið," segir Halldór Halldórsson, formaður Sambands íslenskra sveitarfélaga, um greiðslur Landsvirkjunar til sveitarfélaga vegna fyrirhugaðra virkjana. Ekki sé um mútugreiðslur að ræða.

Fórnalömbin samúðarfull með starfsmanni á plani

„Við finnum til með manninum. Hann þarf greinilega á hjálpa að halda,“ segir Kristjana Kristjánsdóttir en hún ásamt manni sínum, Raymond McQueen og vinafólki ætluðu að taka bensín á Olís í Norðlingaholti í gærdag.

Tjá sig ekki um hugmyndir um skattahækkanir á álfyrirtæki

„Við tjáum okkur ekki um þetta mál nema við fáum um það formlegt erindi frá stjórnvöldum,“ segir Erna Indriðadóttir, framkvæmdastjóri samfélags- og upplýsingamála Alcoa Íslandi sem rekur álverið á Reyðarfirði, aðspurð um yfirlýsingar varaformanns fjárlaganefndar Alþingis sem vill að hærri skattur verði lagður á álfyrirtæki.

Guðbjörg Jóhannesdóttir nýr prestur í Hafnarfirði

Guðbjörg Jóhannesdóttir hefur verið valin prestur í Hafnarfjarðarprestakalli en embættið veitist frá 1.október næstkomandi. Þetta kemur fram í tilkynningu frá Biskupsstofu.

Segir Rúv hafa sýnt sér vanvirðingu og ruddalega framkomu

Ólafur F. Magnússon borgarfulltrúi og fyrrverandi borgarstjóri ætlar í meiðyrðarmál við Rúv vegna ummæla sem látin voru falla í hádegisfréttum útvarpsins á mánudagsmorgun. Þar var því haldið fram að Ólafur hefði látið leggja fé inn á sinn eigin reikning en ekki til Frjálslyndaflokksins. Ólafur segir að með þeim ummælum hefði Rúv verið að þjófkenna sig.

Stálu barnavagni og heimabíói

Tveir menn af erlendum uppruna voru dæmdir í 30 og 60 daga skilorðsbundið fangelsi til þriggja ára fyrir að stela meðal annars barnavagni að andvirði 129 þúsund króna.

Vilja stýra Borgarahreyfingunni

Hópur fólks hefur tilkynnt um framboð í stjórn Borgarahreyfingarinnar en landsfundur hreyfingarinnar fer fram laugardaginn 12. september. Í hópnum eru meðal annars Valgeir Skagfjörð, varaþingmaður, og Gunnar Sigurðsson, leikstjóri og einn af stofnendum hreyfingarinnar.

Ögmundur: Skýrslan slær öll met í yfirlæti

Heilbrigðisráðherra segir nýja skýrslu Efnahags- og framfarastofnunarinnar (OECD) slá met í yfirlæti. Hann segir skýrslur stofnunnar unnar af einstaklingum sem upp til hópa aðhyllast hægri sinnaða markaðshyggju. Ráðherrann spyr hver greiði fyrir skýrsluna. Björn Bjarnason, fyrrverandi ráðherra, gagnrýnir einnig skýrsluna.

Fjarskiptagervitungl komst ekki á sporbaug

Indónesískt fjarskiptagervitungl, sem skotið var á loft frá Kína á mánudaginn, komst ekki á sporbaug eftir að hreyfill í þriðja þrepi burðarflaugar þess fór ekki í gang.

Kínverjar sýna kjarnavopnin

Kínverjar munu sýna kjarnavopn sín opinberlega á 60 ára afmæli Kommúnistaflokksins í haust.

Atkins synjað um reynslulausn í átjánda sinn

Konu úr glæpagengi Charles Manson hefur verið neitað í átjánda skiptið um reynslulausn.

Geimrusl nálgast Alþjóðlegu geimstöðina

Bandaríska geimferðastofnunin NASA fylgist nú grannt með torfu af geimrusli sem er margir metrar í þvermál og svífur um geiminn í nágrenni við Alþjóðlegu geimstöðina og geimskutluna Discovery sem nú er stödd við stöðina.

Enn sverfur til stáls í Mexíkó

Sautján eru látnir eftir að tólf grímuklæddir byssumenn réðust inn í meðferðarstöð í mexíkósku borginni Ciudad Juarez í gær, stilltu vistmönnum þar upp við vegg og hófu skothríð.

Tala látinna á Jövu komin í 46

Tala látinna í indónesíska bænum Cianjur er kominn upp í 46 eftir að snarpur jarðskjálfti skók eyjuna Jövu í gær. Í kjölfar skjálftans féll aurskriða á bæinn og kaffærði ellefu heimili.

Hugðust myrða samnemendur sína

Tveir breskir unglingar lögðu á ráðin um að sprengja sprengju í verslunarmiðstöð í Manchester og fara því næst í skólann og skjóta eins marga samnemenda sinna til bana og þeir gætu.

Skoska þingið leggst gegn ákvörðun MacAskill

Skoska þingið felldi í gær með nokkrum meirihluta þá ákvörðun Kenny MacAskill dómsmálaráðherra að láta Lockerbie-sprengjumanninn Mohmed al Megrahi lausan.

Slasaðist í álveri

Kalla þurfti út menn fjá Björgunarfélagi Akraness til að ná niður manni sem hafði slasast uppi á 12 metra háu sílói í álverinu á Grundartanga í gær. Björgunarmennirnir bjuggu um hann í börum og létu hann svo síga niður, þar sem sjúkraflutningamenn tóku við honum og fluttu hann á sjúkrahúsið á Akranesi. Maðurinn mun ekki hafa slasast alvarlega.

Fiskitorfa af óþekktri tegund

Skipstjóri á síldveiðiskipi, sem var á leið til Vestmannaeyja í nótt, lóðaði á stóra fiskitorfu austur af Vestmannaeyjum.

Bátur rann af vagni

Ekki vildi betur til en svo, þegar menn voru að sjósetja bát á Kjalarnesi í gærkvöldi, að hann rann svo hressilega af vagninum að þeir misstu tök á honum og hann tók að reka á haf út.

Hafnaði næstum í ánni

Minnstu munaði að bíll færi út af Elliðaárbrúnni í Reykjavík og hafnaði ofan í ánni, þegar ökumaður missti stjórn á honum í gærkvöldi og bíllinn lenti á handriði, sem var um það bil að gefa sig þegar bíllinn nam staðar.

Kartöfluuppskera framar vonum

Kartöfluuppskera í Hornafirði er nú meiri en bændur muna til að hún hafi nokkurn tímann verið, að því er fram kemur á vef Hornafjarðar.

Þjófar staðnir að verki í 10-11

Tveir unglingspiltar voru staðnir að búðahnupli í verslun 10-11 í Glæsibæ í nótt. Þegar starfsmaður sá til þeirra lögðu þeir á flótta og sluppu en skildu þýfið eftir.

Yfir 2.000 fyrirtæki hafa verið stofnuð frá hruninu

Ekkert lát er á stofnun nýrra fyrirtækja þrátt fyrir ískyggilega stöðu í efnahagslífinu. Forsvarsmenn atvinnulífsins telja sjálfsbjargarviðleitni atvinnurekenda og viðbrögð við atvinnumissi búa að baki.

Óeirðadeildin fullmönnuð

Flestir þeir lögreglumenn sem ákváðu að ganga úr óeirðadeild lögreglu í síðasta mánuði hafa nú gengið til liðs við hópinn á ný. Samkvæmt heimildum Fréttablaðsins töldu lögreglumennirnir sig hafa komið óánægju sinni á framfæri með því að hætta í mannfjöldastjórnunarhópi lögreglu, svokallaðri óeirðadeild. Því myndi ekkert frekar vinnast með því að halda sig utan við hópinn áfram.

Ólga í Framsókn vegna Magma-sölu

Bakland Framsóknarflokksins í Reykjavík virðist missátt við að Orkuveitan hafi gengið að kauptilboði Magma Energy. Formaður borgarráðs segir að þrýstingur frá óánægðu framsóknarfólki breyti ekki niðurstöðu málsins.

Lést í vinnuslysi í Árbæ

Karlmaðurinn sem féll af húsþaki við vinnu sína í Árbæjarhverfi var úrskurðaður látinn við komu á slysadeild á sjötta tímanum á þriðjudag. Maðurinn hét Gísli Ágústsson og var á fimmtugsaldri. Hann var til heimilis að Vagnhöfða 7 í Reykjavík. Gísli lætur eftir sig tvö börn.