Mikið tilstand við að leiðrétta frétt

Talsvert tilstand varð í íslensku stjórnsýslunni eftir að viðtal við Ólaf Ragnar Grímsson forseta birtist í þýska Financial Times 10. febrúar. Fyrirsögn viðtalsins var á þá leið að innstæður Þjóðverja hjá Kaupþingi væru glataðar og var haft eftir Ólafi að þar sem Íslendingar hefðu tapað öllu væri ekki hægt að bjóða þeim upp á að þurfa að borga tap þýskra sparifjáreigenda.

Telja að kröfuhafar hafi verið blekktir

Lögmenn Glitnis og Íslandsbanka halda því fram að Baugur Group hafi meðvitað reynt að blekkja kröfuhafa í tengslum við greiðslustöðvun. Algerlega staðlausir stafir, segir lögmaður Baugs. Misskilningur, segir fjármálastjóri félagsins.

Straumur gagnrýnir FME

Heimildir innan Straums gagnrýna framgöngu Fjármálaeftirlitsins við yfirtöku bankans. FME og fjármálaráðherra segja Straum bjaga atburðarásina. „Það setur að mér ugg“, segir stjórnarformaður FME.

Efnahagsbrotadeild fær gögn

Efnahagsbrotadeild ríkislögreglustjóra er heimilt, samkvæmt dómi Hæstaréttar, að fá gögn um sölu fjögurra flugvéla, sem áður voru í eigu eignarhaldsfélagsins City Star Airlines ehf. Félagið hefur verið tekið til gjaldþrotaskipta.

Obama hefur afnumið bann

Barack Obama Bandaríkjaforseti felldi í gær úr gildi bann við því að ríkið styrkti rannsóknir á stofnfrumum úr fósturvísum. Forveri hans í embætti, George W. Bush, hafði sett þetta bann í lög af trúarástæðum. Obama sagðist lofa því að engar vísindarannsóknir yrðu framar „afbakaðar eða hafðar í felum til þess að þjóna pólitískum markmiðum“. Obama undirritaði tilskipun um málið í Hvíta húsinu, og var salurinn fullur af vísindamönnum sem fögnuðu ákaft þessum tímamótum. Stuðningsmenn stofnfrumurannsókna telja mögulegt að þær leiði af sér lækningu á ýmsum alvarlegustu sjúkdómum mannkyns.- gb

Vikið af vegi sáttar við lagabreytingar

Grundvallarlögum er breytt án þverpólitískrar sáttar. Rík hefð er fyrir samstöðu um breytingar á stjórnarskrá og lögum um Seðlabankann og kosningar.

Skorar á aðra frambjóðendur

Tryggvi Þór Herbertsson, frambjóðandi í prófkjöri Sjálfstæðisflokksins í Norðausturkjördæmi, hefur birt upplýsingar um fjárhagsleg tengsl sín, og skorar á aðra stjórnmálamenn að gera slíkt hið sama.

Lifa bara fyrir náð og miskun

„Við erum undir náð og miskunn opinberra aðila komnir, við getum ekki þrætt fyrir það,“ segir Agnar Hansson, bankastjóri Sparisjóðbankans. Bankinn átti 150 milljarða króna kröfur í föllnu bönkunum. Kröfuhöfum á Sparisjóðabankann var í febrúar kynnt áætlun um niðurfellingu skulda, lengingu lána og breytingu krafna í hlutafé. Bankinn hefur einu greiðslumiðlunargáttina við útlönd fyrir utan Seðlabankann.

Byrjað að yfirheyra embættismenn

Rannsóknarnefnd um bankahrunið hefur hafið skýrslutökur af lykilmönnum úr stjórnsýslunni til að afla sér upplýsinga um orsakir og aðdraganda hrunsins. Verkið er seinunnið, segir formaðurinn Páll Hreinsson.

Jóhanna býst við lækkun í næstu viku

Jóhanna Sigurðardóttir forsætisráðherra gerir ráð fyrir að stýrivextir Seðlabankans verði lækkaðir í næstu viku en næsti vaxtaákvörðunardagur er fimmtudaginn 19. mars.

Eftirfararbúnaður ólöglegur

Íslenska ríkið hefur verið dæmt í Héraðsdómi Reykjavíkur til að greiða manni 250 þúsund krónur í miskabætur vegna eftirfararbúnaðar lögreglu sem maðurinn fann undir bíl sínum í nóvember 2007. Maðurinn hafði krafist tíu milljóna úr ríkiskassanum.

Björgólfur tapar 39 milljörðum

Hluthafar Straums tapa langmestu af ríkisvæðingu bankans í gær eða um 17,7 milljörðum króna. Óvissa er um kröfur lánadrottna, sem flestir eru erlendir. Líklegt er að þeir fái upp í kröfur sínar nema eignir fari á brunaútsölu.

Sonur Kims er ekki á þinginu

Norður-Kóreustjórn skipaði hersveitum sínum að vera í viðbragðsstöðu í gær og hótaði „stríði“ ef önnur ríki reyna að skjóta niður gervihnött, sem hún sagðist ætla að skjóta á loft.

Kúgaði fé út úr ríkum konum

Helg Sgarbi, 44 ára gamall svikahrappur sem nú er jafnan nefndur „svissneski flagarinn“ viðurkenndi fyrir dómi að hafa svikið milljónir evra út úr fjórum auðugum konum.

Salmonella í kjúklingahópi

Rökstuddur grunur er um að salmonella hafi greinst í einum kjúklingahópi Reykjagarðs. Jarle Reiersen dýralæknir segir þetta hafa komið upp í reglubundnu eftirliti með salmonellu í kjúklingaslátrun. Í hópnum sem slátrað var voru um 9.700 fuglar.

Rændi sjoppu í Seljahverfi vopnaður hnífi

Hettuklæddur karlmaður rændi söluturninn Allt í einu í Jafnaseli 6 í Seljahverfi í Reykjavík fyrr í kvöld. Maðurinn kom vopnaður hnífi inn í söluturnin laust fyrir klukkan hálf níu og ógnaði þar starfsstúlkum, að sögn lögreglu. Ræninginn fékk stúlkurnar til að afhenda sér þá fjármuni sem voru í peningakassa og hljóp í framhaldinu út úr söluturninum.

Birgir: Vinstri grænir tala meira en sjálfstæðismenn

Birgir Ármannsson, þingmaður Sjálfstæðisflokksins, segir að þingmenn Vinstri grænna hafi talað meira að meðaltali en þingmenn Sjálfstæðisflokksins á yfirstandandi kjörtímabili.

ESB vill aðstoða Rúmeníu

Evrópusambandið er reiðubúið að hefja viðræður við ráðamenn í Rúmeníu um fjárhagsaðstoð vegna efnahagserfiðleika landsins í kjölfar fjármálakreppunnar.

Útilokar ekki fleiri yfirtökur

Gylfi Magnússon, viðskiptaráðherra, útilokar ekki að ríkið neyðist til að taka yfir rekstur fleiri fjármálastofnanna og settar verði fleiri skilanefndir yfir þær.

Skiptameðferð eðlilegri en yfirtaka á Straumi

Jón Magnússon, þingmaður Sjálfstæðisflokksins, undrast að stjórnvöld hafi tekið yfir fjárfestingabankann Straum Burðarrás í dag. Eðlilegra hefði verið að bankinn hefði farið í skiptameðferð án þess að ríkið blandaði sér í málið. Hann spyr á vefsíðu sinni hvort einhverjar sérstaktar ástæður liggi fyrir ákvörðun ríkisstjórnarinnar að hætta fjármunum almennings með þessum hætti.

Andstaða við hugsanlegan utanríkisráðherra

Ráðamenn í Washington og víða í Evrópu eru andsnúnir því að Avigdor Lieberman, leiðtogi ísrelska öfgahægriflokksins Yisrael Beitein, verði utanríkisráðherra í ríkisstjórn Benjamin Netanyahu, leiðtoga Likudbandalagins. Liberman hefur meðal annars verið líkt við Mahmoud Ahmadinejad forseta Írans.

Óttast að Geir hafi sagt Alþingi ósatt

Siv Friðleifsdóttir óttast að Geir Haarde, fyrrverandi forsætisráðherra, hafi sagt Alþingi ósatt um Icesave-málið.

Óskiljanlegt að meina Landsvirkjun orkusölu til Helguvíkur

Forstjóri Hitaveitu Suðurnesja kveðst ekki skilja þá ákvörðun stjórnvalda að meina Landsvirkjun að selja raforku til Helguvíkurálvers og segir útilokað að næg orka fáist í tæka tíð án aðkomu Landsvirkjunar. Hitaveitan undirbýr nú stórfelldar virkjanaframkvæmdir á þremur svæðum á Reykjanesskaga vegna álversins.

Glæpasögur Arnaldar draga að ferðamenn

Söguslóðir bóka Arnaldar Indriðasonar eru orðnar aðdráttarafl fyrir erlenda ferðamenn. Fyrstu hóparnir komu í fyrra og enn fleiri eru væntanlegir til landsins á næstu vikum, bæði frá Þýskalandi og Svíþjóð, gagngert til að skoða vettvang glæpanna.

Seðlabankinn lánaði Straumi

Fjármálaeftirlitið beitti neyðarlögunum á Straum Burðarás til að bjarga tugmilljarða innistæðum sem íbúðalánsjóður og lífeyrissjóðirnir áttu í bankanum. Viðskiptaráðherra útilokar ekki að eitthvað kunni að falla á ríkissjóðs vegna yfirtökunnar. Seðlabankinn lánaði Straumi 19 milljarða í desember.

Konur næst á eftir Bjarna Harðarsyni

L-listinn vinnur nú hörðum höndum að mótun framboðslista í öllum kjördæmum landsins. Bjarni Harðarson, fyrrverandi þingmaður Framsóknarflokksins er einn af talsmönnum framboðsins og mun hann skipa fyrsta sætið í Suðurkjördæmi. Á vefnum Sunnlendingur.is er greint frá því að næstu tvö sæti listans verði skipuð konum, þeim Kristbjörgu Steinunni Gísladóttur, frá Selfossi og Önnu Jónu Einarsdóttur, frá Höfn í Hornafirði.

Gríðarlegur þrýstingur á Jóhönnu

Gríðarlegur þrýstingur er á Jóhönnu Sigurðardóttur, forsætisráðherra, að bjóða sig fram til formanns Samfylkingarinnar á næsta landsfundi. Hvorki Dagur B. Eggertsson né Árni Páll Árnason útiloka formannsframboð standi Jóhanna fast við fyrri ákvörðun um að bjóða sig ekki fram.

Tekist á um örlög katta í Kína

Í Kína berjast dýraverndunarsinnar og þeir sem vilja halda í gamlar hefðir um örlög katta í landinu. Verndarsinnar vilja að þeir fái allir um frjálst höfuð að strjúka. Hinir vilja áfram fá að leggja sér ketti til munns. Fréttastofa varar viðkvæma við myndskeiðinu sem fylgir fréttinni.

Ingibjörgu þakkað fyrir fórnfúst starf í þágu íslenskra kvenna

Stjórn kvennahreyfingar Samfylkingarinnar þakkar Ingibjörgu Sólrúnu óeigingjarnt og fórnfúst starf í þágu íslenskra kvenna. Í ályktun stjórnar hreyfingarinnar segir að Ingibjörg Sólrún hafi lagt gríðarlega mikið af mörkum til íslenskrar kvennabaráttu.

Ákveða sjálfir hvort þeir upplýsa um hagsmunatengsl sín

Þingmenn geta ákveðið það sjálfir hvort þeir gefi upplýsingar um hagsmuni sína og eignir samkvæmt drögum að reglum sem þingflokkar á Alþingi hafa náð sátt um. Reglurnar taka hvorki til skulda eða maka þingmanna.

Sendinefnd AGS framlengir dvöl sína hér á landi

Sendinefndi Alþjóðagjaldeyrissjóðsins verður hér á landi til 13. mars en áður hafði verið tilkynnt að nefndin færi af landi brott á morgun.

Obama vill Kúbu inn úr kuldanum

Breska blaðið The Guardian segir að Barack Obama ætli að nota ráðstefnu Ameríkuríkja sem haldin verður í vor til þess að draga Kúbu inn úr kuldanum.

Svifryk þrjá daga í röð yfir mörkum

Styrkur svifryks fór yfir heilsuverndarmörk þrjá daga í röð í liðinni viku. Rykbinding á helstu umferðagötum á föstudag dugði ekki allan daginn vegna þess að blandan var of þunn. Fram kemur í tilkynningu að ekki er búist við svifryksmengun næstu daga.

Allt verði gert til að bjarga sparisjóðunum

Steingrímur J. Sigfússon, fjármálaráðherra, segir að allt verði gert til að treysta undirstöðu sparisjóðakerfisins þannig að sparisjóðirnir verði einn af máttarstólpum samfélagsins. Þetta kom fram í utandagskrárumræðu Alþingi í dag um stöðu efnahagsmála sem fór fram að ósk Birkis Jóns Jónssonar, varaformanns Framsóknarflokksins. Steingrímur sagði að endurfjármögnun bankanna verði lokið í lok apríl.

Jörðin sögð kaldari en fyrir þúsund árum

Yfir sjötíu vísindamenn sem efast um að Jörðinni stafi ógn af hlýnun af mannavöldum sitja nú ráðstefnu í New York.

Ari átti ENRON

Ari Matthíasson sem mun skipa fjórða sætið í öðru Reykjavíkurkjördæmanna fyrir Vinstri græna hefur sent frá sér yfirlýsingu er varðar fjárhagsleg tengsla hans við atvinnulífið. Þar kemur meðal annars fram að Ari hafi aldrei áður tekið þátt í stjórnmálum og hafi því ekki auðnast því að slíta á tengsl sín við atvinnulífið með því að losa um eign sína í hinu skráða félagi KR-SPORT þar sem hann hafði áður verið stjórnarmaður.

Ríkið þarf að greiða bætur vegna hlerunar

Héraðsdómu Reykjavíkur dæmdi íslenska ríkið til þess að greiða Guðmundi Inga Þóroddsyni 250 þúsund krónur í miskabætur vegna ólögmætrar hlerunar.

Klippt af hundrað ökutækjum um helgina

Lögreglan klippti númeraplöturnar af tæplega eitt hundrað ökutækjum á höfuðborgarsvæðinu um helgina. Í tilkynningu frá lögreglu segir að töluvert sé um ótryggð og óskoðuð ökutæki á höfuðborgarsvæðinu eru eigendur hvattir til að gera þar bragarbót á.

Katrín ætlar að kanna innheimtuaðgerðir RÚV

Ólöf Nordal þingmaður sjálfstæðismanna vakti á þingi í dag athygli á auglýsingum Ríkisútvarpsins undanfarið þar sem fólk er hvatt til þess að greiða afnotagjöldin ella verði skuldirnar settar í lögfræðiinnheimtu. Ólöf spurði Katrínu Jakobsdóttur menntamálaráðherra að því hvort þetta samræmdist tilmælum ríkisstjórnarinnar um að vægt verði tekið á skuldurum.

Lögreglan bíður enn eftir niðurstöðu krufningar

Enn er beðið niðurstöðu krufningar í máli Sirreyjar Maríu Axelsdóttur sem fannst látinn í dúfnakofa í Hafnarfirði í byrjun febrúar.

Spurði hvort þingmenn væru blindir

Nokkuð snarpar umræður fóru fram á Alþingi í dag um dagskrá þingsins. Sjálfstæðismenn eru ósáttir með þau mál sem eru á dagskrá og vilja m.a. frekar leggja áherslu á frumvarp um uppbyggingu álvers í Helguvík en breytingar á stjórnarskrá. Þingflokksformaður Framsóknarflokksins spurði hvort menn væru blindir á sama tíma og fyrrum menntamálaráðherra sagði hana senda vond skilaboð til suðurnesjamanna.

Steig ofan í hver þegar unnustunni var bjargað

Rétt eftir hádegi á laugardag barst lögreglunni á Selfossi hjálparbeiðni vegna konu sem talin var fótbrotin í Klambragili sem er norðvestur af Hveragerði.

Salmonella í kjúklingahópi Reykjagarðs

Í reglubundnu eftirliti með Salmonellu í kjúklingaslátrun liggur fyrir rökstuddur grunur um að Salmonella hafi greinst í einum kjúklingahópi Reykjagarðs.

Á tíu þúsund í Decode

Fyrrum efnhagsráðgjafi forsætisráðuneytisins, Tryggvi Þór Herbertsson, hefur birt yfirlit yfir efnahagstengsl sín við atvinnulífið. Yfirlitið birtir hann á bloggsíðu sinni. Þar segir hann að hans einu tengsl við atvinnulífið séu eign á 116 hlutum í Decode, sem nú eru tíu þúsund króna virði. Hlutina á hann með eiginkonu sinni.

Græddi 13 milljarða á hruninu

Fjölskyldufaðir í smábænum Köge í Danmörku græddi 700 milljónir danskra króna á hruninu á hlutabréfamarkaðinum.