Björgólfur tapar 39 milljörðum

Hluthafar Straums tapa langmestu af ríkisvæðingu bankans í gær eða um 17,7 milljörðum króna. Óvissa er um kröfur lánadrottna, sem flestir eru erlendir. Líklegt er að þeir fái upp í kröfur sínar nema eignir fari á brunaútsölu.

Umsvifamesti hluthafinn var Björgólfur Thor Björgólfsson með 34,3 prósenta hlut í gegnum eignarhaldsfélagið Samson Global Holdings. Verðmæti eignarhlutarins nam sex milljörðum króna á föstudag. Hann varð næsta verðlaus í gær þegar gengi bréfanna endaði í tveimur aurum á hlut. Fyrir ári nam verðmæti hlutarins 39 milljörðum.