Allt verði gert til að bjarga sparisjóðunum

Steingrímur J. Sigfússon, fjármálaráðherra, segir að allt verði gert til að treysta undirstöðu sparisjóðakerfisins þannig að sparisjóðirnir verði einn af máttarstólpum samfélagsins. Þetta kom fram í utandagskrárumræðu Alþingi í dag um stöðu efnahagsmála sem fór fram að ósk Birkis Jóns Jónssonar, varaformanns Framsóknarflokksins. Steingrímur sagði að endurfjármögnun bankanna verði lokið í lok apríl.

Í máli sínu sagði Birkir hættu á kerfishruni næðist ekki sátt um mikilvægar aðgerðir í efnahagsmálum. Hann spurðist meðal annars fyrir um stöðu sparisjóðanna en áður hefur Birkir lagt til að stjórnvöld feli sparisjóðunum að yfirtaka einn af ríkisbönkunum þremur.

Steingrímur sagðist eiga von á því að endurskipulagnins bankakerfisins ljúki í lok næsta mánaðar. Það kom einnig fram í máli Jóhönnu Sigurðardóttur, forsætisráðherra, segm sagði að gert væri ráð fyrr endurfjármögnun bankana verði lokið í lok næsta mánaðar.