Allt kapp lagt á að bjarga kjarasamningum

Allt kapp er nú lagt á að bjarga kjarasamningum á vinnumarkaði áður en ögurstund rennur upp á morgun. Fulltrúar Alþýðusambands Íslands og Samtaka atvinnulífsins stefna á kvöldfund og ríkisstjórnin er tilbúin að funda með aðilum.

Svartur flekkur á himnum

Daglega laust fyrir klukkan fimm má sjá stóran, svartan flekk á himninum við Fossvog, en þar eru starrar á ferð á leiðinni í náttstað.

Vestmannaeyjar og Reykjanesbær verst stöddu bæjarfélögin

Vestmannaeyjar og Reykjanesbær eru verst stöddu bæjarfélög landsins, en Bessastaðahreppur og Akranes þau best stöddu. Þetta sést þegar rýnt er í ársreikninga sveitarfélaganna.

Hlupu upp á toppinn á Sears-turninum

Það eru 2109 þrep úr andyrinu á Sears-turninum í Chicago og upp á útsýnispallinn á 103. hæð. Í gærmorgun ákváðu ríflega þúsund manns að taka ekki lyftuna heldur fara upp stigann og það hlaupandi. Allt er þetta reyndar gert í góðgerðaskyni því verið er að safna fé fyrir krabbameinsrannsóknarstofnun.

Fordæmdu vestræna menningu

Þúsund múslímar sem tilheyra hreyfingu sem kallast Hizb-ut-Tahrir komu saman í Kaupmannahöfn í gær til ársþings. Þeir fordæmdu þar gjörspillta, vestræna menningu og hvöttu stuðningsmenn sína í Danmörku til að taka ekki þátt í lýðræðislegum sveitastjórnarkosningum á morgun.

Fundu eiturílát í Bodensee

Þýska lögreglan rannsakar nokkur ílát með hættulegu skordýraeitri sem fundust í Bodensee nýlega. Bodensee er vatnsból nærri fimm milljóna íbúa í Þýskalandi, Austurríki og Sviss. Bóndi nokkur er grunaður um að hafa sett eiturílátin í vatnið en hótanir höfðu borist yfirvöldum áður en þau fundust. Bóndanum ku hafa fundist hann beittur einhvers konar órétti.

Banaslys í álverinu í Straumsvík

Banaslys varð í álverinu í Straumsvík í dag þegar tæplega fertugur karlmaður féll átján metra ofan af þaki kerskála. Talið er að hann hafi látist samstundis. Maðurinn starfaði hjá vertakafyrirtæki sem sá um viðgerðir á þakklæðingu á kerskálanum.

Schröder kveður Jafnaðarmannaflokkinn

Það var tilfinningaþrungin stund þegar Gerhard Shcröder, fráfarandi kanslari Þýskalands, kvaddi félaga sína í þýska jafnaðarmannaflokknum í Karlsruhe í dag um leið og þeir greiddu atkvæði um stjórnarsáttmálann sem gerður var við Kristilega demókrata og Kristilega sósíalsambandið fyrir helgi.

Landsbankinn kaupir evrópskt verðbréfafyrirtæki

Landsbankinn hefur fengið leyfi til að kaupa evrópska verðbréfafyrirtækið Kepler Equities, en það hét áður Julius Bår Brokerage. Landsbankinn gerði tilboð í fyrirtækið í semptember og voru kaupin háð skilyrðum um samþykki eftirlitsaðila í Frakklandi, Sviss og á Íslandi.

Þrír látnir eftir sjálfsmorðsárásir í Kabúl

Að minnsta kosti þrír hafa látist í tveimur bílsprengjuárásum í Kabúl, höfuðborg Afganistans, í dag. Friðargæsluliði á vegum NATO og grunaður sjálfsmorðsárásarmaður létust og fjórir særðust í fyrri sprengingunni í austurhluta borgarinnar og þá lést einn þegar sprengja sprakk í bíl í vegkanti í borginni.

Bílgreinasambandið 35 ára

Bílgreinasambandið var með dagskrá í dag vegna þrjátíu og fimm ára afmælis félagsins. Dagskráin fór fram á Hótel Nordica. Þar voru kynntar helstu nýjungar á vef félagsins www.bgs.is jafnframt því sem opnaður var sérstakur bílavefur Morgunblaðsins og bílaumboðanna.

Skuldir borgarsjóðs lækka sem og þjónustugjöld

Hreinar skuldir borgarsjóðs Reykjavíkur munu lækka um 1,1 milljarð króna og heildarskuldir borgarsjóðs um 8,2 milljarða á næsta ári, samkvæmt frumvarpi að fjárhagsáætlun Reykjavíkurborgar fyrir árið 2006 sem Steinunn Valdís Óskarsdóttir borgarstjóri mælir fyrir á fundi borgarstjórnar Reykjavíkur á morgun.

Stjórnarsáttmáli samþykktur í Þýsklalandi

Félagar í bæði Jafnaðarmannaflokknum og Kristilega sósíalsambandinu, systurflokki Kristilegra demórkata í Þýskalandi, hafa samþykkt með miklum meirihluta stjórnarsáttmála sem forystumenn flokkanna þriggja undirrituðu á föstudag. Fyrr í dag samþykktu kristilegir demókratar sáttmálann og því er ekkert því til fyrirstöðu að Angela Merkel taki við sem nýr kanslari Þýskalands.

Einn látinn eftir aurskriður í Noregi

Einn maður hefur fundist látinn eftir að skriða féll á hús í Aasane í Björgvin í Vestur-Noregi í dag, en þar er nú mikið úrhelli. Jafnvel er búist við að úrkomumet verði sett í dag.

Vinnuslys við álverið í Straumsvík

Alvarlegt vinnuslys varð upp úr hálf þrjú í dag í Álverinu í Straumsvík. Verktaki sem vann að viðgerðum á þakklæðningu álvesins, féll ofan af þaki verksmiðjunnar. Maðurinn var fluttur samstundis á slysadeild. Lögregla og Vinnueftirlitið rannsaka nú tildrög slyssins.

Atvinnuleysi ekki verið minna síðan 2001

Í októbermánuði síðastliðnum voru skráðir fjörutíu og sex þúsund atvinnuleysisdagar á landinu öllu. Það jafngildir því að ríflega tvö þúsund manns hafi að meðaltali verið á atvinnuleysisskrá í mánuðinum. Atvinnuleysi hefur ekki verið minna í einstökum mánuði síðan í október 2001.

Afskipti ríkisins orsakavaldurinn

Stjórn Vefmiðlunar ehf., sem rekur nokkur af stærri vefsvæðum landsins, segir afskipti ríkisins af fjármögnun og rekstri Farice-sæstrengsins hafa haft ráðandi áhrif á þann vandræðagangs fyrirtækisins sem orðið hefur í Skotlandi undanfarið.

Danaprins skírður í janúar

Nýfæddur Danaprins, sonur Friðriks krónprins og Mary krónprinsessu, verður skírður 21. janúar næstkomandi. Litli prinsinn verður skýrður í Christiansborgar kirkju sem gjarnan er notuð af konungsfjölskyldunni við hátíðleg tilefni.

Atvinnuleysi í október með því minnsta í fjögur ár

Atvinnuleysi var alls 1,4% í október. Ekki hefur mælst svo lítið atvinnuleysi í stökum mánuði í fjögur ár eða síðan í október árið 2001.

Líklegt að stríð brjótist út

Yfirvöld í Eþíópíu hafa styrkt hervarnir sínar við landamæri Erítreu vegna hugsanlegra átaka þjóðanna tveggja sem óttast er að brjótist út á næstu dögum.

Tvö útköll hjá Landsbjörgu um helgina

Tvö útköll voru hjá Slysavarnarfélaginu Landsbjörgu um helgina. Á föstudagsmorgun var björgunarskipið Húnabjörg kallað út frá Skagaströnd vegna togbáts sem staddur var norðaustan undir Óðinsboða við Reykjafjörð.

CIA reyndi að leyna dauða fanga

Bandaríska leyniþjónustan CIA reyndi að leyna dauða íraksks fanga, sem lét lífið við yfirheyrslur í Abu Ghraib fangelsinu í Írak þar sem honum var haldið án dóms og laga. Frá þessu greinir bandaríska fréttatímaritið Time en blaðið komst yfir fjölda skjala vegna málsins, þar á meðal krufningarskýrslu.

Efast um óhlutdrægni ráðherra vegna skrifa hans

Aðalverjandi í Baugsmálinu segir að sakborningar hafi ástæðu til að efast um óhlutdrægni dómsmálaráðherra í málinu í ljósi skrifa hans um Baug og þá sem verið hafa í forsvari fyrir félagið á undanförnum árum. Verjendur krefjast þess að Héraðsdómur úrskurði að þeir fái aðgang að tölvugögnum málsins.

ESB leggur Frökkum lið vegna vargaldar

Óeirðir héldu áfram í París í nótt, nítjándu nóttina í röð. Tryggingafélög í Frakklandi meta tjón vegna þeirra á fimmtánda milljarð króna.

Sjónvarpsstöðin sögð áhugalaus um reikninga sína

Sjónvarpsstöð í Svíþjóð, sem Sigurjón Sighvatsson fjármagnar, er sögð áhugalaus um að borga reikningana sína. Stöðinni, sem nefnist Big TV og á að höfða til unglinga, verður hleypt af stokkunum í desember.

Iceland Express bætir við sig vélum

Iceland Express hefur gert samning við svissneskt flugfélag um leigu á vélum og áhöfnum frá mars á næsta ári. Þrjár vélar af gerðinni MD-90 verða í ferðum fyrir Iceland Express en vélarnar og áhafnir þeirra koma frá flugfélaginu Hello sem hóf rekstur fyrir rétt rúmu ári.

Eins manns saknað eftir aurskriðu sem féll í Noregi

Eins manns er saknað eftir aurskriðu sem féll á hús í bænum Åsne í Noregi í dag. Sex björguðust, þar af komust þrír úr húsinu að sjálfsdáðum.

Íslendingar greiði viðbótarkostnað

Bandaríska sendiráðið hér á landi segist ekki hafa upplýsingar um það að svo stöddu hvort bandaríska varnarmálaráðuneytið vilji að Íslendingar standi straum af öllum viðbótarkostnaði vegna veru varnarliðsins hér á landi. Fréttastofa Ríkisútvarpsins greindi frá því í gær að hún hefði heimildir fyrir því að Bandaríkjamenn færu fram á að Íslendingar greiddu allan umframkostnað sem hlytist sérstaklega af vörnum þeirra hér.

Tólf létust í átökum í Sómalíu

Að minnsta kosti tólf létust og 21 særðist í átökum í Mogadishu, höfuðborg Sómalíu, um helgina. Átökin eru sögð hafa blossað upp eftir að hópur íslamskra ofstækismanna reyndi að loka kvikmyndahúsum og myndbandaleigum vegna þess að vestrænar og indverskar myndir voru þar til sýninga sem skæruliðarnir telja sýna ósiðlegt athæfi. Í

Voksne mennesker kom, sá og sigraði

Dagur Kári sópaði að sér Edduverðlaunum í gærkvöldi þegar kvikmynd hans, Voksne Mennesker fékk Edduna sem mynd ársins, fyrir bestu leikstjórn, besta handritið og bestu tónlistina.

Áhugalaus um að borga reikningana sína

Sjónvarpsstöð í Svíþjóð, sem Sigurjón Sighvatsson fjármagnar, er sögð áhugalaus um að borga reikningana sína. Stöðinni, sem nefnist Big TV og á að höfða til unglinga, verður hleypt af stokkunum í desember.

Ungliðar Vinstri- grænna á Akureyri gagnrýna menntamálaráðherra

Ungliðar í Vinstrihreyfingunni - grænu framboði á Akureyri skora á menntamálaráðherra að taka þátt í málefnalegri og samfélagslegri umræðu um skerðingu náms til stúdentsprófs og samræmd stúdentspróf. Þetta var samþykkt á fundi ungliðahreyfingarinnar í síðustu viku.

Vilja að hæfi dómsmálaráðherra verði metið

Verjendur í Baugsmálinu settu fram kröfu fyrir stundu að mat færi fram á hæfi dómsmálaráðherra í málinu. Verjendur spurðu einnig hvers vegna Jón Gerald Sullenberger væri ekki ákærður í málinu.

Fangelsisvist og hýðing fyrir að ræða önnur trúarbrögð

Kennari í Sádi-Arabíu hefur verið dæmdur til að sæta fjörutíu mánaða fangelsisvist og 750 svipuhöggum opinberlega fyrir að ræða Biblíuna og tala vel um gyðingatrú í kennslustund. Auk þess bannaði hann nemendum að þvo sér fyrir bænir eins og venja er hjá múslímum.

Metár í útgáfu atvinnuleyfa

Aldrei áður í sögunni hafa verið gefin út jafnmörg atvinnuleyfi hér á landi og það sem af er þessu ári. Morgunblaðið greinir frá því í dag að útgefin atvinnuleyfi séu nú orðinn rúmlega 4800 á þessu ári, en til samanburðar voru gefin út rúmlega 3700 atvinnuleyfi allt árið í fyrra.

Aðalmeðferð í Baugsmálinu ákveðin í dag

Taka á fyrir þau átta ákæruatriði sem eftir standa í Baugsmálinu í dag og verður aðalmeðferð í málinu væntanlega ákveðin í dag. Fyrirtakan nú er sú fyrsta frá því hæstiréttur ákvað að vísa 32 af 40 ákæruliðum á hendur forsvarsmönnum Baugs og endurskoðendum frá dómi í haust.

Sagan um Davíð og Golíat hugsanlega sönn

Fornleifauppgröftur í suðurhluta Ísrels hefur leitt í ljós að sagan um Davíð og Golíat í Biblíunni sé hugsanlega sönn.

Mótmælendur að róast

Evrópusambandið hefur samþykkt að leggja til tæpa fjóra milljarða króna, til aðstoðar Frökkum vegna daglegra óeirða þar í landi síðustu 18 daga.

Forystumenn ASÍ og Samtaka atvinnulífsins funda eftir hádegi

Ákveðið hefur verið að svonefnd forsendunefnd Samtaka atvinnulífisins og ASÍ komi enn saman eftir hádegi í dag eftir fundahöld um helgina.

Ætlaði að fremja sjálfsmorðsárás í Amman

Írösk kona, sem er grunuð um að hafa ætlað að taka þátt í sjálfsmorðssprengjuárásinni í Amman, höfuðborg Jórdaníu í vikunni, en án árangurs, viðurkenndi brot sitt í ríkissjónvarpi Jórdaníu í gær.

Vill endurvekja friðarumræður í Miðausturlöndum

Utanríkisráðherra Bandaríkjanna hyggst endurvekja friðarviðræður í miðausturlöndum en í gær hitti Condoleeza Rice, Ariel Sharon, forsætisráðherra landsins.

CIA reyndi að leyna dauða fanga í Abu Ghraib

Bandaríska leyniþjónustan CIA reyndi að leyna dauða írasks fanga í Abu Ghraib fangelsinu í Írak. Segir fréttatímaritið Time að meðal skjala, sem það hafi fengið um málið, séu myndir sem sýni limlest lík mannsins sem síðan var settur í frysti.

Kviknaði í bíl

Eldur kviknaði í jeppa þegar honum var ekið upp vestanvert Víkurskarðið í nótt, en ökumaður, sem var einn í bílnum, slapp ómeiddur. Þegar bíllinn missti afl, nam ökumaðurinn staðar og ætlaði að kíkja á vélina, en þá gaus eldurinn á móti honum. Ekki varð við neitt ráðið og var bíllinn alelda þegar lögregla og slökkvilið komu frá Akureyri. Kranabíll fjarlægði flakið en ekki er vitað um eldsupptök.

Ölóðir menn í Keflavík

Lögreglan í Keflavík þurfti að taka tvo ölóða menn úr umferð á krá í bænum í nótt , eftir að þeir tóku að berja hvorn annan. Annar þurfti læknishjálp eftir ósköpin. Lögreglan á Akureyri þurfti líka að taka tvo ölvaða menn eftir að þeir fóru að berja veitingastað að utan, en þeim hafði verið hent þaðan út. Lögreglumönnum víða um land finnst nú komið eftir óvenju erilssama helgi vegna ofneyslu áfengis og fíkniefna.

Handsprengju kastað inn í verslun

Tvö börn og einn maður létust eftir að handsprengju var kastað inn í verslun í Bogota, höfuðborg Kólumbíu í gær. Maðurinn sem lést var þekktur íþróttafréttamaður í útvarpi. Þá særðust tveir til viðbótar í árásinni en enginn hefur lýst verknaðinum á hendur sér og hefur enginn verið handtekinn. Málið hefur valdið gíurlega reiði í landinu en rannsókn stendur nú yfir.