Snyrtilegt vélaverkstæði

Jamal Shah frá Pakistan stýrir einu snyrtilegasta vélaverkstæði landsins. Verkstæðið er uppi á Kárahnjúkum en þar er allt á sínum stað raðað í fallegar heimasmíðaðar hillur eða hent á nagla og hvergi skít að sjá. </font /></b />

Tveir menn hálshöggnir í Írak

Hópur á vegum al-Qaida hryðjuverkaleiðtogans Abus Musabs al-Zarqawis sendi frá sér myndband á Netinu fyrr í dag þar sem sýnt er þegar tveir Írakar eru hálshöggnir, en þeir eiga að hafa unnið í bandarískri herstöð.

Heimsækja aðra skóla

Samstarf er milli grunnskólans á Kárahnjúkum og íslensks grunnskóla á Egilsstöðum og skólinn fer í skólaferðalag.

Líka í móðurhlutverki

Læknisheimsóknir á Kárahnjúkum voru 7.000 talsins í fyrra og er þá allt talið í þessu 1.600-1.700 manna þorpi. Þetta þykir mikið en búist er við að heimsóknirnar verði heldur færri á þessu ári enda hafi starfsmannastrúktúrinn breyst, nú hafi öðruvísi fólk valist til starfa. </font /></b />

Hæstánægð

Íslendingar eru margir hverjir og kannski flestir hæstánægðir og láta vel af sér í starfi hjá Impregilo á Kárahnjúkum.

Ágreiningur við Impregilo óleystur

Fundur Impregilo og verkalýðsfélaga leysti ekkert ágreiningsmála þeirra á milli, sagði Finnbjörn Hermannsson, formaður Samiðnar, eftir fundinn.

Ræða saman án milliliða

Sinnaskipti urðu í gær í samskiptum ítalska fyrirtækisins Impregilo sem sér um stíflugerð á Kárahnjúkum og verkalýðsfélaga.

Allir jafnir sé farið að lögum

Ekki verður óskað eftir undanþágu frá íslenskum lögum til að auka samkeppnishæfni Íslendinga að störfum á Kárahnjúkum. Slíkt er þekkt í nágrannalöndunum vegna kaupskipa.

Aftur ákærðir fyrir kvótasvindl

Tveir útgerðarmenn hafa verið ákærðir fyrir stórfellt kvótasvindl. Þessir sömu menn voru sakfelldir fyrir rúmu ári fyrir mesta kvótasvindl Íslandssögunnar.

Meirihluti Íraka hyggst kjósa

Yfirgnæfandi meirihluti Íraka ætlar að mæta á kjörstað 30. janúar þrátt fyrir mannskæðar árásir vígamanna undanfarið, ef marka má skoðanakönnun sem unnin var fyrir bandarísku samtökin International Republican Institute. Samkvæmt henni segja fjórir af hverjum fimm kjósendum líklegt að þeir kjósi.

Skutu tvo þrettán ára pilta

Ísraelskir hermenn skutu 13 ára palestínskan dreng til bana eftir að hafa tekið hann í misgripum fyrir vígamann. Pilturinn var í hópi barna og unglinga á Vesturbakkanum sem gerðu hróp að hermönnunum. Þegar hann dró upp leikfangabyssu og beindi að þeim töldu þeir að um vígamann væri að ræða og skutu hann. Hann lést í sjúkrabíl á leið á sjúkrahús.

Auglýsing í New York Times í dag

Auglýsing Þjóðarhreyfingarinnar birtist í New York Times í dag. Í henni er írakska þjóðin beðin afsökunar á því að Ísland hafi stutt innrásina í Írak. Þjóðarhreyfingin, sem á sínum tíma barðist hart gegn fjölmiðlafrumvarpi ríkisstjórnarinnar, safnaði fé meðal almennings til þess að borga auglýsinguna í New York Times, sem kostaði á þriðju milljón króna.

Sammála Bush en efins um árangur

Meirihluti Bandaríkjamanna er sammála því markmiði George W. Bush Bandaríkjaforseta að koma á lýðræði sem víðast í heiminum, meirihlutinn er þó jafnframt efins um að Bandaríkin megni að gera það samkvæmt nýrri skoðanakönnun Gallup fyrir CNN og USA Today.

Viðurkenna landamæri Ísraels

Forysta Hamas hefur í fyrsta sinn í sögu sinni dreift skjölum þar sem fram kemur að samtökin viðurkenni landamæri Ísraels frá árinu 1967 og tekið er undir markmið Fatah um stofnun sjálfstæðs palestínsks ríkis með Jerúsalem sem höfuðborg.

Enn á móti smokknum

Kaþólska kirkjan á Spáni hefur í engu breytt afstöðu sinni og er enn andvíg notkun smokksins. Þetta segja forystumenn kirkjunnar og gera lítið úr orðum Juan Antonio Martinez Camino, biskups og talsmanns samtaka spænskra biskupa, sem sagði á þriðjudag að smokkurinn ætti sér hlutverk í baráttunni gegn alnæmi.

Danir kærðir fyrir misþyrmingar

Fimm danskir hermenn hafa verið ákærðir fyrir að misþyrma íröskum föngum sem haldið var í herbúðum nærri Basra í fyrra. Hæst setti hermaðurinn, höfuðsmaður, sætir fjórum ákærum fyrir vanrækslu við störf.

Aldrei fleiri pílagrímar

Fleiri pílagrímar sækja hajj, trúarhátíð múslima, heim í ár en nokkru sinni fyrr. Meira en tvær og hálf milljón pílagríma var komin til Sádi-Arabíu í gær á Eid al-Adha, hátíð fórnarinnar, sem er mikilvægasti helgidagur múslima.

Dani í haldi Ísraela

Dönskum ríkisborgara, sem grunaður er um tengsl við líbanska Hezbollahskæruliða, er haldið í fangelsi af ísraelskum yfirvöldum. Maðurinn var handtekinn 6. janúar en ekki var upplýst um handtöku hans fyrr en á fimmtudag og hefur það vakið reiði danskra yfirvalda.

Bresk börn í mestum efnum

Bresk börn og unglingar eru allra evrópskra barna duglegust við að nauða í foreldrum sínum um peninga. Þetta kemur fram í úttekt Datamonitor á því hversu mikið fé íbúar Evrópuríkja láta börn sín hafa.

Lítið umburðarlyndi trúarskóla

Einkareknir íslamskir skólar eru skárri í að kenna börnum umburðarlyndi en einkareknir kristnir skólar. Þetta er niðurstaða breskrar stofnunar sem hefur eftirlit með menntun í Bretlandi.

Ógnað með símtali og SMS-skeytum

Ungum manni sem var handtekinn í tengslum við komu forseta Kína hingað til lands sumarið 2002, var ógnað með símtali og SMS-sendingum úr síma lögregluþjóns í kjölfarið. Viðkomandi lögregluþjónn neitaði fyrir dómi í dag að hafa hringt eða sent piltinum skilaboðin.

OR kaupir Hitaveitu Rangæinga

Orkuveita Reykjavíkur hefur keypt Hitaveitu Rangæinga fyrir 120 milljónir króna. Kaupin leiða til þess að hitunarkostnaður heimila á Hellu og Hvolsvelli lækkar um 20-30% á næstu tveimur árum og ljósleiðari verður lagður um þorpin, samkvæmt tilkynningu frá Orkuveitunni.

Úganda og Ísland lönd frumkvöðla

Við fyrstu sýn virðist ekki mikið sameiginlegt með Afríkuríkinu Úganda og Íslandi en á tilteknu sameiginlegu sviði valta Úgandamenn yfir Íslendinga.

Glæsifley reynist vandræðadalllur

Eitt mesta glæsifley heims er vandræðadallur. Aurora nefnist flaggskip P&O-skemmtiskipakeðjunnar. Fyrir hálfum mánuði lagði skipið af stað í hundrað daga rándýra ferð um heiminn en komst ekki nema út á Ermarsund þar sem vélarnar gáfu sig. Eftir margra daga pínlega bið úti á hafi voru farþegarnir færðir í land í gær.

Samið um leikhús til fimm ára

Þorgerður Katrín Gunnarsdóttir menntamálaráðherra, Lúðvík Geirsson, bæjarstjóri í Hafnarfirði og Hilmar Jónsson, leikhússtjóri Hermóðs og Háðvarar undirrituðu í gær samning til næstu fimm ára um stuðning ríkisins og Hafnafjarðarbæjar við starfsemi leikhússins.

Veiddu 116 tonn án kvóta

Ríkislögreglustjóri hefur höfðað opinbert mál gegn þremur mönnum fyrir að hafa á tímabilinu 3. september 2001 til 27. mars 2002 gert skip út frá Ólafsvík án veiðiheimilda og veitt rúmlega 116 tonn af þorski.

Skerpa þarf á reglum

Skerpa þarf á þvingunarúrræðum sem slökkviliðsstjórar geta gripið til í lögum ef slökkviliðstjóri telur að um almannahættu sé að ræða.

Teknar verði upp beinar viðræður

Impregilo hefur fallist á að taka upp beinar viðræður við verkalýðshreyfinguna, til þess að reyna að leysa ágreiningsmálin. Starfsmannastjóri Impregilo segir eðlilegt að verkalýðshreyfingin berjist fyrir sitt fólk.

Vill ekki opinbera fundargerðir

Formaður utanríkismálanefndar Alþingis vill ekki að fundargerðir nefndarinnar verði gerðar opinberar. Hann ætlar að boða til fundar í nefndinni í næstu viku til að ræða hvort einhverjir nefndarmanna hafi rofið trúnað og lekið fundargerðum í fjölmiðla.

Segir nýja áætlun spennandi

Þingmaður Frjálslynda flokksins segir það álitshnekki fyrir þingmenn Suðurkjördæmis að Árni Johnsen hafi frumkvæði að því að boða til borgarafundar um framtíð Vestmannaeyja. Framkvæmdastjóri þróunarsviðs Vegagerðarinnar segir nýja kostnaðaráætlun vegna jarðganga til Eyja spennandi.

Hyggst færa heiminum frelsi

Maðurinn, sem gárungar sögðu forseta fyrir slysni, verður forseti Bandaríkjanna í fjögur ár í viðbót og nú með miklum meirihluta atkvæða. George Bush ætlar að færa heimsbyggðinni frelsi og segir það tryggja öryggi Bandaríkjanna.

Segir afstöðu ráðast af fordómum

Írak og Íran eru þau ríki sem eru efst á verkefnalista George Bush í utanríkismálum. Víða á Vesturlöndum eru þessi lönd álitin vandamál. Magnús Þorkell Bernharðsson, sérfræðingur í málefnum Miðausturlanda, hefur ritað nýja bók þar sem hann fjallar um sögu þessara ríkja, menningu þeirra og trúarbrögð. Hann segir afstöðu Vesturlanda ráðast meira af innanríkispólitík og fordómum en nokkru öðru.

Hilmir Snær hættir

Hilmir Snær Guðnason sagði upp föstum samningi sínum við Þjóðleikhúsið í byrjun vetrar, eftir rúma áratuga fastráðningu. Á þeim tíma hefur hann leikið fjölmörg burðarhlutverk í leikritum hússins.

Áhersla á ufsa

Árni M. Mathiesen, sjávarútvegsráðherra, var viðstaddur við opnun Grænu vikunnar í Berlín daganna 20.-21. janúar. Heimsótti hann meðal annars sýningarbás þar sem Árni Simsen matreiðslumaður matreiddi íslenskan ufsa að viðstöddum gestum.

Höfuðblæjur má banna

Hæstiréttur Danmerkur komst að þeirri niðurstöðu að stórmarkaðurin Føtex mátti banna íslömskum konum að bera höfuðblæju í vinnunni og reka 26 ára konu sem neitaði að taka blæjuna niður.

Vinna fyrir hjálpargögnum

Fórnarlömb hamfaranna í Asíu eru nú látin vinna fyrir hjálpargögnunum sem dreift er þar sem sérfræðingar hjálparstofnana óttast að öðrum kosti verði hundruð þúsunda háð gjöfum. Neyðarhjálp er nú víða lokið og uppbygging tekin við.

Uppnám í laxveiði Borgarfirði

Jón Ingvarsson, Sigurður Helgason og fleiri sem leigja Þverá í Borgarfirði, standa í vegi fyrir endurnýjuðu samkomulagi um upptöku laxaneta Hvítá. Þeir vilja ekki að heildargreiðslan til netabænda hækki úr 14,7 milljónum króna á ári í 16,5 milljónir. Formaður Veiðifélags Hvítár segir hægt að veiða í net undan Þverá en semja við aðrar ár.

Aldraðir sætta sig við ellina

Langflestir aldraðra hér á landi virðast sætta sig við ellina, samkvæmt nýlegum rannsóknum. Sjúkdómar tengdir kvíða eru sjaldgæfari hjá öldruðum en yngra fólki.

Stuðningurinn aldrei ræddur

Utanríkismálanefnd fjallaði aldrei um hugsanlegan stuðning Íslendinga við innrás Bandaríkjamanna og Breta á fundum sínum veturinn 2002 til 2003. Málefni Íraks komu til umræðu á tveimur fundum. </font /></b />

Breytir engu um vald ráðherra

Björn Bjarnason dómsmálaráðherra segist ekki taka þátt í því sem hann kallar "leik" sem skipti engu máli. Fulltrúum stjórnarandstöðu og Framsóknarflokksins í utanríkismálanefnd ber saman um að ákvörðunin um stuðninginn við innrásina í Írak hafi aldrei verið rædd í utanríkismálanefnd. </font /></b />

Gæti fengið flýtimeðferð þings

Bobby Fischer hefur beðið ríkisstjórn Íslands um ríkisborgararétt að sögn Sæmundar Pálssonar, vinar skákheimsmeistarans fyrrverand, eftir að japönsk stjórnvöld höfnuðu ósk hans um að fá að nýta sér dvalarleyfi á Íslandi. Samkvæmt stjórnarskránni þarf lagasetningu Alþingis til að veita erlendum manni ríkisborgararétt á Íslandi. Það mál kemur til kasta allsherjarnefndar þingsins að fengnum tillögum dómsmálaráðuneytis.

Sjálfsmorðsárás í Afganistan

Tveir slösuðust í sjálfsmorðsárás utan við mosku í norðurhluta Afganistans í morgun. Afganskur yfirhershöfðingi sem var við bænir inni í moskunni slapp ómeiddur en talið er að tilræðið hafi beinst gegn honum.

Húsnæðisverð mun hækka meira

Sérfræðingar Íslandsbanka spá því að að húsnæðisverð hækki jafnvel enn meira í ár en í fyrra en þá hækkaði íbúðaverð í sérbýli um 25 prósent og um 17 prósent í fjölbýli. Þessa spá byggir bankinn á greiðari aðgangi að lánsfjármagni með tilkomu húsnæðislána bankanna, rýmri lánaheimildum Íbúðalánasjóðs, lækkandi raunvöxtum og auknum kaupmætti.

Viðvörun frá FBI

Bandaríska alríkislögreglan hefur hefur sent út leitarviðvörun vegna fjögurra Kínverja sem hugsanlega eiga aðild að hryðjuverkasamtökum og gætu verið á leiðinni til Boston. Alríkislögreglunni barst símhringing frá ónafngreindum aðila í gær þar sem varað var við Kínverjunum sem ekki hafa komið áður við sögu lögreglu í Bandaríkjunum.

Geysileg öryggisgæsla í Washington

Sex þúsund lögreglumenn og 2500 hundruð hermenn verða í viðbragðsstöðu vegna embættistöku George Bush Bandaríkjaforseta sem fram fer í Washington í dag. Þetta er í fyrsta sinn sem forseti Bandaríkjanna er svarinn í embætti eftir hryðjuverkin þann 11. september árið 2001 og tekur öryggisgæslan mið af því.