Lilja Rafney skipar annað sætið á lista Flokks fólksins

Þetta kemur fram í tilkynningu frá Flokki fólksins þar sem birtur er framboðslistinn í kjördæminu í heild sinni. Bragi Þór Thoroddsen, sveitarstjóri Súðavíkurhrepps, skipar 3. sæti listans.

Lilja Rafney sat á þingi fyrir Vinstri græna á árunum 2009 til 2021. Hún sagði sig úr flokknum síðasta sumar eftir að samþykkt var á þingi frumvarp um kvótasetningu grásleppu. Í grein sagði Lilja Rafney að hún segði sig úr flokknum vegna svika hans við eigin sjávarútvegsstefnu.

Listinn hjá Flokki fólksins í Norðvesturkjördæmi er þannig skipaður:

• 1. Eyjólfur Ármannsson, alþingismaður, Hrafnabjörgum Þingeyri 
• 2. Lilja Rafney Magnúsdóttir, varaþingmaður og fyrrv. alþingismaður, Suðureyri 
• 3. Bragi Þór Thoroddsen, sveitastjóri Súðavíkurhrepps, Súðavík 
• 4. Heiða Rós Eyjólfsdóttir, tanntæknir og hársnyrtir, Blönduósi 
• 5. Kristján Andri Guðjónsson, forstöðumaður Ísafjarðarbæ, Ísafirði 
• 6. Snorri Snorrason, skipstjóri, Sauðárkróki 
• 7. Valda Brokane, skipstjóri, Suðureyri 
• 8. Guðni Már Lýðsson, formaður Smábátafélagsins Skalli, Skagaströnd 
• 9. Dagný Ósk Hermannsdóttir, deildarstjóri eldhúss Heilbrigðisstofnun Vesturlands, Stykkishólmi 
• 10. Hafþór Guðmundsson, strandveiðimaður, Þingeyri 
• 11. Svanur Grétar Jóhannsson, sjómaður, Stykkishólmi 
• 12. Ágúst Heiðar Ólafsson, kerfóðrari Grundartanga, Akranesi 
• 13. Hermann Jónsson Bragason, vélstjóri, Stykkishólmi 
• 14. Andrea Þórunn Björnsdóttir, frumkvöðull í góðgerðarmálum, Akranesi