Þau sem létust í umferðarslysi á Eyjafjarðarbraut eystri skammt norðan við Laugaland í lok apríl hétu Einar Viggó Viggósson og Eva Björg Halldórsdóttir.
Greint var frá nöfnum þeirra í dánartilkynningum í Morgunblaðinu á miðvikudag. Einar Viggó var fæddur árið 1995 og Eva Björg árið 2001. Þau voru búsett á Akureyri.
Slysið varð skammt norðan við Laugaland á Eyjafjarðarbraut eystri þann 24. apríl síðastliðinn. Í tilkynningu lögreglunnar sagði að bíll hefði lent út af og tveir sem voru í bílnum hafi verið úrskurðaðir látnir á vettvangi.
Umferð um Eyjafjarðarbraut eystri hefur verið lokað á milli Syðri Tjarna og Ytri Tjarna vegna umferðarslyss. Þetta kemur fram á vef Vegagerðarinnar. Tveir voru í bílnum.
Tveir létust þegar bíll fór út af vegi á Eyjafjarðarbraut eystri skammt norðan við Laugaland skömmu eftir klukkan eitt í dag. Lögreglan á Norðurlandi eystra greinir frá.
