Tveir létust þegar bíll fór út af vegi á Eyjafjarðarbraut eystri skammt norðan við Laugaland skömmu eftir klukkan eitt í dag. Lögreglan á Norðurlandi eystra greinir frá.
Slysið varð skammt norðan við Laugaland á Eyjafjarðarbraut eystri. Í tilkynningu lögreglunnar segir að bíll hafi lent út af og tveir sem voru í bílnum hafi verið úrskurðaðir látnir á vettvangi.
Lögreglan á Norðurlandi eystra fer með rannsókn málsins og veitir ekki frekari upplýsingar að svo stöddu.
Umferð um Eyjafjarðarbraut eystri hefur verið lokað á milli Syðri Tjarna og Ytri Tjarna vegna umferðarslyss. Þetta kemur fram á vef Vegagerðarinnar. Tveir voru í bílnum.
