Svalt veður og víða dá­lítil él

Á vef Veðurstofunnar segir að frost verði á bilinu núll til átta stig en frostlaust við suðurstöndina yfir hádaginn.

„Bætir heldur í vind og úrkomu er líður á vikuna, en hlýnar smám saman,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Norðaustan 5-13 m/s og dálítil él, en lengst af þurrt á Suður- og Vesturlandi. Frost 0 til 10 stig, kaldast inn til landsins.

Á miðvikudag: Norðaustan 10-18 m/s, hvassast við suðausturströndina. Él norðan- og austantil, en annars bjart að mestu. Frost víða 0 til 6 stig.

Á fimmtudag: Norðaustan 13-20 m/s og snjókoma með köflum, hvassast suðaustantil, en yfirleitt þurrt á Suður- og Vesturlandi. Hiti kringum frostmark.

Á föstudag, laugardag og sunnudag: Ákveðin norðaustanátt og él, en bjart með köflum suðvestantil og hiti nærri frostmarki.