Vaka vann nauman meirihluta í Stúdentaráði

Lovísa Arnardóttir skrifar 22. mars 2024 07:55

Á myndinni eru oddvitar sviðanna á framboðslista Vöku. Frá vinstri: Gunnar Ásgrímsson (Menntavísindasvið), Anna Sóley Jónsdóttir (Hugvísindasvið), Júlíus Viggó Ólafsson (Félagsvísindasvið), Tinna Eyvindardóttir (Heilbrigðisvísindasvið) og Jóhann Almar Sigurðsson (Verkfræði- og náttúruvísindasvið). Aðsend

Vaka – félag lýðræðissinnaðra stúdenta komst í meirihluta í kosningum til Stúdentaráðs Háskóla Íslands í nótt. Það er í fyrsta sinn síðan árið 2017 sem Vaka nær meirihluta. Samkvæmt tilkynningu frá kjörstjórn var kjörsókn um 31 prósent til Stúdentaráðs og 28 prósent til Háskólaráðs.

Stúdentafylkingarnar, Röskva - samtök félagshyggjufólks við Háskóla Íslands og Vaka - félag lýðræðissinnaðra stúdenta, buðu fram á öllum fimm fræðasviðum Háskólans. Vaka fékk meirihluta á þremur af fimm og fékk níu kjörna á meðan Röskva fékk átta kjörna. Röskva tapaði þannig fjórum fulltrúum því þau fengu 12 kjörna í síðustu kosningum. Karlar eru sjö af kjörnum fulltrúum og konur níu í ár.

Röskva náði meirihluta á hugvísindasviði og verkfræði- og náttúruvísindasviði en Vaka á félagsvísindasviði, heilbrigðisvísindasviði og menntavísindasviði.

Hér að neðan má sjá alla kjörna fulltrúa eftir sviði.

Félagsvísindasvið

Júlíus Viggó Ólafsson (Vaka)

Katla Ólafsdóttir (Röskva)

Ragnheiður Geirsdóttir (Vaka)

Birkir Snær Brynleifsson (Vaka)

Patryk Lúkasi Edel (Röskva)

Heilbrigðisvísindasvið

Kristrún Vala Ólafsdóttir (Röskvu)

Tinna Eyvindardóttir (Vaka)

Eiríkur Kúld Viktorsson (Vaka)

Menntavísindasvið

Gunnar Ásgrímsson (Vaka)

Magnús Bergmann Jónasson (Röskva)

Ásthildur Bertha Bjarkadóttir (Vaka)

Verkfræði- og náttúruvísindasvið

Kristín Fríða Sigurborgardóttir (Röskva)

Jóhann Almar Sigurðsson (Vaka)

Ester Lind Eddudóttir (Röskva)

Hugvísindasvið

Ísleifur Arnórsson (Röskva)

Sóley Anna Jónsdóttir (Röskva)

Anna Sóley Jónsdóttir (Vaka)

Háskólaráð og kjörsókn

Kosið er til Háskólaráðs á tveggja ára fresti. Hvor fylking fær einn mann. Andri Már Tómasson var kjörinn fyrir Röskvu og Viktor Pétur Finnson fyrir Vöku.

Kjörsókn var mjög ólík samkvæmt tilkynningu kjörstjórnar á hverju sviði. Mest var hún á verkfræði- og náttúruvísindasviði en minnst á menntavísindasviði.

Kjörsókn eftir sviði má sjá hér að neðan:

Hugvísindasvið - kjörsókn 23,54%

Félagsvísindasvið - kjörsókn 34,85%

Menntavísindasvið - kjörsókn 22,68%

Verkfræði- og náttúruvísindasvið - kjörsókn 41,50%

Heilbrigðisvísindasvið - kjörsókn 39,14%

Hagsmunir stúdenta Háskólar

Tengdar fréttir

Vökuliðar telja framboðslista Röskvu ókjörgengan

Kosningar til stúdentaráðs og háskólaráðs Háskóla Íslands fara fram þessa stundina. Meðlimir Vöku hafa sent erindi til kjörstjórnar kosninganna vegna framboðs Röskvu til stúdentaráðs, sem þeir telja ólöglegt vegna frambjóðanda sem þeir vilja meina að sé ókjörgengur.

21. mars 2024 14:45

Röskva kynnir framboðslistana

Röskva - samtök félagshyggjufólks við Háskóla Íslands, kynnti framboðslista sína vegna kosninga til Stúdentaráðs og háskólaráðs Háskóla Íslands í kvöld. Kosningar fara fram síðar í mánuðinum.

6. mars 2024 22:44

Vaka kynnir framboðslistann

Framboðslistar Vöku hagsmunafélags stúdenta við Háskóla Íslands vegna kosninga til Stúdentaráðs voru kynntir í kvöld á kosningamiðstöð Vöku að Hverfisgötu 94. Kosningarnar fara fram 20.- 21. mars næstkomandi.

9. mars 2024 23:45

Röskva fékk tólf menn en Vaka fimm

Röskva vann kosningar til Stúdentaráðs Háskóla Íslands. Kosningarnar fóru fram í dag og í gær en Vaka fékk fimm fulltrúa af sautján og Röskva tólf. Vaka fékk síðast tvo menn kjörna í ráðið.

23. mars 2023 23:28

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.