Tilkynntu nafnið með frumsömdu ljóði

Stúlkan fékk nafnið Hrafndís Maríudóttir og deildi Ingileif deildi gleðifregnunum á samfélagsmiðlum í gærkvöldi. 

„Draumadísin okkar fékk nafnið sitt í dag, á þrítugsafmælisdegium mínum. María átti afmæli í gær svo það var þrefalt tilefni til að fagna og við mæðgur deildum fullkomnum degi umkringdar okkar allra besta fólki,“ skrifar Ingileif.

Mæðgurnar þrjár voru allar í stíl með fallega blómakransa í hárinu þegar þær tilkynntu nafnið með einkar skemmtilegum hætti, með sér sömdu ljóði;

Nú færðu nafn þitt litla Plóma

Sem bera munt með miklum sóma

Það til okkar kom á Flateyri

Og nú tími til kominn að allir heyri

Er komstu í heiminn með miklu hraði

Sáum við hve vel það passaði

Þú sameinar það dökka og bjarta

Mjúk og hlý með hárið svarta

Það samsett er úr tveimur nöfnum

Dísum fögrum og svörtum hröfnum

Ömmurnar báðar þér gefa sitt

En nafnið er þó alveg þitt

Við elskum þig stelpan okkar blíða

Sjálfstæða, duglega, fallega, fríða

Fyrir þig sjálf sólin sest og rís

Okkar elsku hjartans Hrafndís

„Elsku stelpan okkar. Við hlökkum svo til lífsins með þér,“ segir Ingileif.

Af myndum að dæma var veislan fjölmenn og skemmtileg. Tónlitarkonan Una Torfadóttir söng uppháhalds lag hjónanna, Í löngu máli. 

Tónlistarmaðurinn Jón Jósep Snæbjörnsson, þekktur sem Jónsi í Svörtum fötum, var leynigestur í veislunni og söng afmælissönginn fyrir Ingileif.

Hrafndís er þriðja barn þeirra hjóna en fyrir eiga þær tvo dregi, Rökkva og Þorgeir sem María á úr fyrra sambandi.

María og Ingileif hafa verið saman í tæpan áratug og giftu sig eftirminnilega á Flateyri árið 2018.

Í myndskeiðinu hér að neðan má sjá frá brúðkaupinu.