Geðmat í hryðjuverkamálinu: Hvorki taldir hættulegir sér né öðrum og sleppt úr haldi

Sunna Sæmundsdóttir skrifar 13. desember 2022 16:05

Annar sakborninganna í málinu leiddur fyrir dómara. Vísir/Vilhelm

Landsréttur hefur fellt úr gildi gæsluvarðhaldsúrskurð yfir tveimur mönnum sem hafa verið ákærðir fyrir tilraun til hryðjuverka. Mennirnir eru því lausir úr haldi eftir að hafa setið í gæsluvarðhaldi í ellefu vikur.

Sveinn Andri Sveinsson, verjandi annars þeirra, segir að Landsréttur hafi fellt úrskurðinn úr gildi á þeim forsendum að geðmat bendi til þess að mennirnir séu hvorki hættulegir sjálfum sér né öðrum.

Héraðssaksóknari gaf á föstudag út ákæru á hendur mönnunum tveimur sem handteknir voru fyrir tæpum þremur mánuðum, grunaðir um skipulagningu hryðjuverka. Sama dag voru þeir úrskurðaðir í héraðsdómi Reykjavíkur í fjögurra vikna áframhaldandi gæsluvarðhald.

Rætt var við Svein Andra um málið í kvöldfréttum Stöðvar 2 á föstudag:

Lögreglumál Grunaðir um skipulagningu hryðjuverka

Tengdar fréttir

Segir ákæruna tilraun til að réttlæta frumhlaup lögreglunnar

Lögmaður annars þeirra sem hefur verið ákærður fyrir tilraun til hryðjuverka segir ákæruvaldið leggja líf tveggja ungra manna í rúst til að réttlæta frumhlaup lögreglunnar. Þetta er í fyrsta sinn í Íslandssögunni sem ákært er fyrir hryðjuverkabrot.

9. desember 2022 20:23

Ákærðir fyrir tilraun til hryðjuverks: „Eina tilraunin sú að reyna að rústa lífi ungra manna“

Fallist var á fjögurra vikna gæsluvarðhald yfir mönnunum sem ákærðir hafa verið fyrir skipulagningu hryðjuverka. Lögmaður annars þeirra segist vera furðu lostinn yfir ákærunni. Hann segir umbjóðanda sinn vera saklausan.

9. desember 2022 14:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir