Ráðist á húsráðanda þegar hann opnaði útidyrnar

Kjartan Kjartansson skrifar 3. desember 2022 07:45

Tilkynnt var um að minnsta kosti þrjár líkamsárásir í borginni í gærkvöldi og nótt. Vísir/Vilhelm

Karlmaður hringdi dyrabjöllu húss í hverfi 103 í Reykjavík og réðst á húsráðanda þegar hann opnaði dyrnar skömmu fyrir klukkan tíu í gærkvöldi. Árásarmaðurinn var farinn af vettvangi þegar lögreglu bar að garði en lögregla telur sig kunna deili á honum.

Tilkynnt var um fleiri líkamsárásir í höfuðborginni í gærkvöldi og nótt samkvæmt dagbók lögreglunnar. Laust fyrir klukkan eitt í nótt var tilkynnt um að ráðist hefði verið á mann í hverfi 104. Árásarmaðurinn var handtekinn og vistaður í fangageymslu lögreglu vegna rannsóknar málsins. Áverkar þess sem varð fyrir árásinni eru sagðir minniháttar.

Í miðborginni var tilkynnt um líkamsárás rétt fyrir klukkan fjögur í nótt. Árásarmaðurinn var handtekinn skömmu sóðar og vistaður í fangageymslu. Ekki er vitað um áverka brotaþolans.

Lögreglumál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.