Innlent

Sigurður Ingi braut engar siðareglur að sögn forsætisnefndar

Jakob Bjarnar skrifar
Erindi til forsætisnefndar, þar sem hún er beðin að taka afstöðu til þess hvort Sigurður Ingi hafi brotið siðareglur Alþingis með umdeildum ummælum um Vigdísi Häsler hefur verið afgreitt: Sigurður Ingi er saklaus.
Erindi til forsætisnefndar, þar sem hún er beðin að taka afstöðu til þess hvort Sigurður Ingi hafi brotið siðareglur Alþingis með umdeildum ummælum um Vigdísi Häsler hefur verið afgreitt: Sigurður Ingi er saklaus.

Forsætisnefnd Alþingis hefur komist að þeirri niðurstöðu að Sigurður Ingi Jóhannsson, formaður Framsóknarflokksins og innviðaráðherra, hafi engar siðareglur brotið þegar hann lét umdeild ummæli falla um Vigdísi Häsler, framkvæmdastjóri Bændasamtaka Íslands.

Málið vakti mikla athygli á sínum tíma en víst er að fulltrúum Bændasamtakanna blöskruðu téð ummæli, sem ekki hafa enn fengist nákvæmlega staðfest hver í raun voru, því Sigurður Ingi hefur þverneitað að greina frá því á þeim forsendum að þau séu ekki eftir hafandi. En þau snéru að húðlit Vigdísar.

Í bréfi til þess sem kvartaði segir að forsætisnefndin hafi engar aðrar upplýsingar um málavexti en komið hafa fram í fjölmiðlum. Vísað er til þess að Sigurður Ingi hafi beðist afsökunar á þeim án þess að lýsa ummælunum nánar eða endurtekið.

„Þá hefur sá aðili sem ummælin vörðuðu lýst því að hún hafi átt fund með SIJ þar sem hann hafi borið fram „einlæga afsökunarbeiðni“ sem hún hafi meðtekið.“

Að þessu virtu og með hliðsjón af niðurstöðu forsætisnefndar í máli Ágústs Ólafs Ágústssonar er það mat forsætisnefndar að ekki sé tilefni til frekari umfjöllunar og að erindinu beri að vísa frá.

Málsmeðferð sem grafi undan tiltrú á Alþingi

Fulltrúar minnihlutans í forsætisnefnd hafa hins vegar mótmælt þessari afgreiðslu. Á fundi forsætisnefndar 9. september 2022 lögðu Ásthildur Lóa Þórsdóttir og Jódís Skúladóttir, ásamt áheyrnarfulltrúunum Andrési Inga Jónssyni og Þorbjörgu Gunnlaugsdóttur, sameiginlega fram eftirfarandi bókun:

„Mótmælt er ákvörðun fulltrúa Framsóknar og Sjálfstæðisflokks að vísa frá því erindi sem barst forsætisnefnd um meint brot Sigurðar Inga Jóhannssonar á siðareglum fyrir alþingismenn. Erindið barst þann 8. apríl sl. og nú fimm mánuðum síðar er málinu vísað frá. Engin efni voru til að draga afgreiðslu málsins mánuðum saman. 

Birgir Ármansson forseti Alþingis. Hann hefur nú, ásamt meirihlutanum í forsætisnefnd, vísað kvörtun sem varða ósæmileg ummæli Sigurðar Inga og hvort þau brjóti gegn siðareglum Alþingis, frá. vísir/vilhelm

Töf á afgreiðslu mála sem þessara hefur áhrif á trúverðugleika málsmeðferðar sem og niðurstöðu,“ segir í þeirri bókun. Meirihluti nefndarinnar samanstendur af þeim Birgi Ármannssyni, Líneik Önnu Sævarsdóttur og Diljá Mist Einarsdóttur.

Þar er því haldið fram að hinn eðlilegi farvegur málsins hefði verið að fá ráðgefandi siðanefnd sem fyrst til að leggja mat á málið, og hvort um brot var að ræða og gefa álit sitt að því loknu, frekar en að vísa erindinu nú frá á grundvelli takmarkaðra upplýsinga. 

„Fer þessi málsmeðferð gegn þeim tilgangi og markmiðum siðareglna fyrir alþingismenn að efla tiltrú og traust almennings á Alþingis.“


Tengdar fréttir

Munu biðja Sigurð Inga um að skýra hver um­mælin voru

Nefndarmaður í forsætisnefnd Alþingis segir að ef miðað er við lýsingar Vigdísar Häsler, framkvæmdastjóra Bændasamtakanna, hafi Sigurður Ingi Jóhannsson innviðaráðherra gerst brotlegur við siðareglur þingsins með ummælum sínum í hennar garð. Það eigi þó eftir að koma í ljós.

Innviðaráðherra kærður fyrir brot á siðareglum

Kæra fyrir brot á siðareglum hefur verið lögð fram til forsætisnefndar vegna ummæla sem Sigurður Ingi Jóhannsson, innviðaráðherra og formaður Framsóknarflokksins, lét falla á Búnaðarþingi.

Vig­dís fyrir­gefur Sigurði eftir fund þeirra

Vigdís Häsler, framkvæmdastjóri Bændasamtakanna, og Sigurður Ingi Jóhannsson, formaður Framsóknarflokksins og innviðaráðherra, áttu fund í dag ásamt stjórn Bændasamtakanna. Vigdís segir frá þessu á Facebook-síðu sinni. 

For­maður Fram­sóknar vankaður eftir svall á Búnaðar­þingi

Sigurður Ingi Jóhannsson, innviðaráðherra og formaður Framsóknarflokksins, hefur hingað til verið talinn einhver traustasti stjórnmálamaður landsins. Með báða fætur fast á jörðu. En um nótt á Búnaðarþingi á dögunum felldi hann grímu geðfelldninnar með umdeildum ummælum og stendur eftir vankaður pólitískt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.