Innlent

Minni virkni í nótt en einn stór skjálfti í morguns­árið

Árni Sæberg skrifar
Stærsti skjálftinn í nótt átti upptök sín Suðaustan Fagradalsfjalls.
Stærsti skjálftinn í nótt átti upptök sín Suðaustan Fagradalsfjalls. Vísir/Egill

Nokkuð færri skjálftar urðu á Reykjanesskaga í nótt en aðeins fjórir mældust þrír að stærð eða stærri. Þar af var einn af stærðinni 4,6 sem reið yfir klukkan hálf sex í morgun.

Þetta kemur fram á jarðhræringatöflu Veðurstofu Íslands en Hulda Rós Helgadóttir, náttúruvársérfræðingur hjá Veðurstofunni, staðfestir niðurstöðurnar í samtali við Vísi.

Sá stærsti var sem áður segir af stærðinni 4,6 en hann varð á 2,7 kílómetra dýpi 3,4 kílómetrum Suðaustan Fagradalsfjalls. Veðurstofunni hafa borist tilkynningar um að skjálftinn hafi fundist nokkuð víða, í Grindavík, Reykjanesbæ, á höfuðborgarsvæðinu og austur að Selfossi.

Hulda Rós segir eftirskjálfta af stærðinni þrír hafa fylgt þeim stóra um mínútu seinna. 

Hún segir að nokkuð minni virkni hafi verið á svæðinu í nótt en undanfarna daga enda hafi verið mikill hasar á svæðinu undanfarið.

Hulda Rós segir erfitt að segja til um það hvort hægari skjálftavirkni þýði að nú styttist í eldgos.

„Þegar gaus síðast þá hægðist á í smá tíma áður en það gaus. Það er erfitt að segja til um hvað þetta þýðir en það virðist nú enn þá vera einhver virkni,“ segir hún.

Jarðhræringar á Reykjanesi Eldgos og jarðhræringar Eldgos í Fagradalsfjalli
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið