Enski boltinn

Dybala gæti fyllt skarð Ronaldo hjá United

Atli Arason skrifar
Paulo Dybala gæti verið á leið til Manchester United
Paulo Dybala gæti verið á leið til Manchester United Getty Images

Paulo Dybala er laus allra mála hjá Juventus eftir að samningur hans við félagið rann út í maí. Talið var að Dybala myndi skrifa undir samning við Inter Milan en nú virðist Manchester United vera líklegari áfangastaður.

Manchester United var ekki að stefna af því að bæta við sóknarmanni í leikmannahóp sinn en gæti nú neyðst til þess þar sem Cristiano Ronaldo virðist vera á förum frá félaginu. Umboðsmenn Dybala hafa nálgast forráðamenn United með það í huga að fá leikmanninn til enska félagsins.

Félagaskipti Dybala til Inter munu ekki ganga eftir þar sem Inter fékk Lukaku til liðs við sig á dögunum og þarf því ekki annan framherja. Það er ESPN sem greinir frá stöðu mála.

Dybala var nálægt því að ganga til liðs við Manchester United fyrir þremur árum síðan en United gafst upp á Dybala þar sem launakröfur leikmannsins voru of háar.




Fleiri fréttir

Sjá meira


×