Þetta kemur fram í tilkynningu frá Ásu Valdísi Árnadóttur, oddvita sveitarstjórnar. E-listinn, Listi óháðra lýðræðissinna, fékk 51 prósent atkvæða í sveitarstjórnarkosningunum í maí en G-listinn, Framboðslisti um framsýni og fyrirhyggju, fékk 49 prósent. Því fékk E-listinn meirihluta í sveitarstjórn.
„Það er ánægjulegt að fá Iðu Marsibil í starf sveitarstjóra Grímsnes- og Grafningshrepps. Hún kemur með ferska sýn á verkefnin og ég er sannfærð um að hún muni reynast sveitarfélaginu öflugur liðssyrkur í þeim verkefnum sem framundan eru. Við bjóðum Iðu velkomna til starfa og hlökkum til samstarfsins,“ segir Ása Valdís.
Iða hefur undanfarin ár starfað sem mannauðs- og skrifstofustjóri hjá Arnarlaxi og tekið virkan þátt í mikilli uppbyggingu fyrirtækisins á Vestfjörðum. Kjörtímabilið 2018–2022 gengdi Iða embætti forseta bæjarstjórnar Vesturbyggðar og hefur því góða innsýn inn í stjórnsýslu sveitarstjórnarmála. Iða er viðskiptafræðingur að mennt og leggur stund á MBA-nám við Háskólann í Reykjavík.
„Ég er virkilega spennt fyrir komandi verkefnum í nýju hlutverki, einnig er ég þakklát fyrir það traust sem sveitarstjórn Grímsnes- og Grafningshrepps sýnir mér með ráðningunni. Grímsnes- og Grafningshreppur er frábærlega vel staðsett sveitarfélag með mikla möguleika, svæðið er mér hugleikið og hlakka ég til að taka þátt og leggja mitt af mörkum í þeirri vinnu sem framundan er,“ segir Iða Marsibil.
Iða mun hefja störf þann 25. júlí næstkomandi og bíða hennar veigamikil og spennandi verkefni.
Eftirfarandi sóttu um starf sveitarstjóra:
- Ari Jóhann Sigurðsson, sérkennari
- Barbara K. Kristjánsdóttir, sannauðs- og gæðastjóri
- Björg Erlingsdóttir, sveitarstjóri
- Björgvin Jóhannesson, framkvæmdastjóri
- Daði Geir Samúelsson, fjármálasérfræðingur fjölskyldusviðs
- Edda Jónsdóttir, teymisstjóri stafrænna leiðtoga
- Erna Reynisdóttir. framkvæmdastjóri
- Glúmur Baldvinsson, sjálfstætt starfandi
- Gunnsteinn Björnsson, sjálfstætt starfandi
- Iða Marsibil Jónsdóttir, framkvæmdastjóri
- Ingvi Már Guðnason, verkstjóri
- Jóhann Ásgrímur Pálsson, sérfræðingur
- Jóhannes Hreiðar Símonarson, framkvæmdastjóri
- Jón Eggert Guðmundsson, yfirmaður kerfismála
- Jón G. Valgeirsson, sveitarstjóri Hrunamannahrepps
- Kolbeinn Már Guðjónsson, viðskipta og innkaupastjóri
- Konráð Gylfason, framkvæmdastjóri
- Kristján Einir Traustason, sjálfstætt starfandi
- Kristján Guðmundsson, Landsbankinn hf.
- Kristrún Elsa Harðardóttir, lögmaður
- Þórarinn Hjálmarsson, markaðsstjóri
- Örn Þórðarson, borgarfulltrúi
