Lífið

Fyrsta úthlutun Elsusjóðs

Elísabet Hanna skrifar
Oddný Jónsdóttir og Edda Henný Símonardóttir hlutu styrkinn í ár.
Oddný Jónsdóttir og Edda Henný Símonardóttir hlutu styrkinn í ár. Aðsend

Fyrsta úthlutun úr Elsusjóð hefur verið veitt en styrkir úr sjóðnum eru ætlaðir þeim einstaklingum sem stunda háskólanám og eru með endómetríósu. Sjóðurinn var stofnaður árið 2021 með dánargjöf frá Elsu Guðmundsdóttur sem barðist við endómetríósu.

Elsa fæddist í Reykjavík þann 25. september árið 1956 og var í doktorsnámi í umhverfisþróunarfræði er hún féll frá þann 10. janúar árið 2019. Í stjórn Elsusjóðs sitja Björgólfur Thorsteinsson, Lilja Guðmundsdóttir og Guðrún Guðmundsdóttir. Varamenn eru Þórunn Sveinbjarnardóttir og Eygló Harðardóttir.

„Hugsun Elsu á bak við sjóðinn er að ástundun náms getur reynst snúnara fyrir einstaklinga með endó þar sem námið getur orðið slitrótt og tekið lengri tíma,“ 

segir Lilja Guðmundsdóttir. 

„Bæði verkjaköst, aðgerðir og glasameðferðir geta haft áhrif á námsframvindu sem og síþreyta sem er algengur fylgifiskur sjúkdómsins. Elsa hafði sjálf kynnst áhrifum endómetríósu á sitt nám og stofnaði sjóðinn af afar fallegri hugsjón. 

Gjöf hennar og stofnun sjóðsins er ómetanleg og mun koma til með að hjálpa mörgum konum í háskólanámi. Tilvist sjóðsins er líka mikilvæg fyrir konur með endó, hann verður táknmynd viðurkenningar á því að endómetríósa hefur áhrif á nám.“

Ellefu sterkar umsóknir

Alls bárust ellefu umsóknir í ár og samkvæmt þeim sem sáu um úthlutunina reyndist það vera vandasamt verk að velja úr umsóknunum sem bárust. Þeir þættir sem horft var til voru félagslegar aðstæður, framvinda í námi og áhrif endómetríósu á námið. Þær sem fengu styrkinn í ár eru Oddný Jónsdóttir og Edda Henný Símonardóttir.

Sjóðurinn vonast til þess að hægt verði að veita fleiri styrki í framtíðinni eftir því sem sjóðurinn mun koma til með að vaxa og dafna þar sem ljóst var að þörfin er mikil.

„Við í Samtökum um endómetríósu erum þakklát Elsu og fjölskyldu hennar fyrir að láta draum hennar verða að veruleika í þágu kvenna með endó,“ segir Lilja.

Samtökin um endómetríósu segja vera mikla þörf á slíkum styrkjum.Aðsend

Tengdar fréttir

Elsusjóður – menntasjóður endókvenna

Samtök um endómetríósu (legslímuvilla) standa nú fyrir hinni árlegu fræðsluviku um sjúkdóminn. Í þetta sinn er vakin sérstök athygli á áhrifum endómetríósis á atvinnuþátttöku kvenna.

Biðin getur valdið óafturkræfum skemmdum

Sjúklingar fá ekki aðgerðir niðurgreiddar hjá helsta sérfræðingi landsins í endómetríósu og þurfa því að bíða í fleiri mánuði eftir meðferð eða leita lækninga erlendis. Kona sem lenti í þeirri stöðu skorar á íslensk heilbrigðisyfirvöld að nýta sér sérfræðikunnáttuna sem er til staðar og um leið lina þjáningar fjölda sjúklinga.

Málefni sjúklinga með endómetríósu tekin til tímabærrar skoðunar

Heilbrigðisráðherra hefur svarað fyrirspurn minni á Alþingi um meðhöndlun endómetríósu (legslímuflakks). Líkt og ég hef áður fjallað um á þessum vettvangi, getur sjúkdómurinn valdið sárum verkjum og ófrjósemi, en talið er að hann hrjái allt að 10% kvenna og að meðalgreiningartími hans sé allt að 7-9 ár.

Tölum um endó­metríósu

Já! tölum um endómetríósu. Eitthvað sem var hreinlega ekki þekkt fyrir nokkrum áratugum eða fáir töluðu um.






Fleiri fréttir

Sjá meira


×