Veður

Hlýr suðlægur loftmassi á leið yfir landið

Eiður Þór Árnason skrifar
Sumarið færist nær. 
Sumarið færist nær.  Vísir/Vilhelm

Í dag er spáð breytilegri átt þremur til átta metrum á sekúndu og rigningu eða skúrum í flestum landshlutum. Hiti fimm til tíu stig.

Norðan fimm til tíu metrar á sekúndu á morgun og súld eða rigning norðan- og austanlands, en skýjað með köflum og líkur á stöku síðdegisskúrum sunnantil á landinu. Hiti fimm til fjórtán stig, hlýjast sunnanlands.

Fram kemur í hugleiðingum veðurfræðings hjá Veðurstofunni að í dag færist miðja grunnrar lægðar yfir landið með tilheyrandi regnsvæði og verður því víða vætusamt. Þó verður líklega lítil úrkoma á norðvestanverðu landinu.

Á morgun rofar til sunnan heiða og verður bjart með köflum þegar kemur fram á daginn, en þó má búast við síðdegisskúrum á stöku stað. Hlýnar þar sem sólin nær að skína, upp í um þrettán til fjórtán stig þegar best lætur sunnanlands.

Að sögn veðurfræðings gera spár síðan ráð fyrir að um helgina færist hlýr loftmassi af suðlægum uppruna yfir landið.

Veðurhorfur á landinu næstu daga

Á föstudag: Norðlæg eða breytileg átt, 3-8 m/s, skýjað og þurrt að mestu á norðanverðu landinu með hita 3 til 7 stig. Bjart með köflum sunnanlands, en dálitlir skúrir síðdegis og hiti 8 til 13 stig.

Á laugardag: Suðaustan 8-13 m/s og lítilsháttar væta sunnan- og vestanlands. Hægari vindur og bjartviðri á Norður- og Austurlandi. Hiti 10 til 17 stig, hlýjast fyrir norðan.

Á sunnudag: Hæg suðlæg eða breytileg átt og skýjað vestanlands, en annars yfirleitt léttskýjað. Hiti víða 12 til 18 stig.

Á mánudag: Hæg vestlæg eða breytileg átt og skýjað, en þurrt að mestu. Hiti 11 til 19 stig, hlýjast inn til landsins.

Á þriðjudag: Hægir norðvestanvindar og víða dálítil væta, en þurrt suðaustanlands. Kólnandi veður.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.