Innlent

Skipulagsmál efst í huga borgarbúa fyrir kosningar

Margrét Helga Erlingsdóttir skrifar
Marktækur munur er á afstöðu fólks til málaflokka eftir búsetu. Í Reykjavík eru skipulagsmálin efst á blaði en atvinnumálin vega þyngst í huga íbúa á landsbyggðinni, einkum íbúum á Vesturlandi, Vestfjörðum og Suðurnesjum.
Marktækur munur er á afstöðu fólks til málaflokka eftir búsetu. Í Reykjavík eru skipulagsmálin efst á blaði en atvinnumálin vega þyngst í huga íbúa á landsbyggðinni, einkum íbúum á Vesturlandi, Vestfjörðum og Suðurnesjum. Vísir/Vilhelm

Skipulagsmál vega þyngst í huga Reykvíkinga í kosningunum samkvæmt nýrri þjóðmálakönnun Félagsvísindastofnunar. Í samanburði við önnur sveitarfélög eru þeir óánægðastir með þjónustu sveitarfélagsins. Á landsbyggðinni eru atvinnumálin aftur á móti efst í huga kjósenda.

Það er ekki úr vegi að kanna hug kjósenda til mikilvægustu málaflokkanna nú í aðdraganda sveitarstjórnarkosninga. Rannsóknin fór fram í mars og tóku 808 manns þátt á öllu landinu.

Þeir voru spurðir hversu ánægðir eða óánægðir þeir væru með þjónustu sveitarfélagsins. Í ljós kom að ánægjan er mun minni í Reykjavík en að jafnaði í öðrum sveitarfélögum. Aðeins 42% borgarbúa sögðust frekar eða mjög ánægðir. Mesta ánægjan var að finna í Garðabæ og Akureyri.

Háskóli Íslands

Rúnar Vilhjálmsson, prófessor í félagsfræði við Háskóla Íslands, segir að óánægja í stærri sveitarfélögum sé ekki óþekkt því þar sé meiri fjarlægð á milli íbúa annars vegar og stjórnsýslunnar og kjörinna fulltrúa hins vegar.

„Það eru þarna ýmis málefni í stærstu sveitar sveitarfélögunum sem eru tekin upp af pólitískum meirihluta á hverjum tíma sem eru kannski ekki þau mál sem íbúar í sínu nærumhverfi eru mest hugsi yfir og vilja að séu til umræðu og ávarps.“

Rúnar nefnir mikilvæga málaflokka á borð við mannréttindamál, fjölmenningarmál og menningarmál í þessu samhengi.

„Stóru sveitarfélögin taka oft upp mál sem eru ekki hluti af lögbundnum verkefnum sveitarfélaganna og eru ekki endilega mál sem varða hverfið og nærsamfélagið hjá íbúum og þá getur myndast ákveðið bil, hugmyndabil eða umræðu-eða orðræðubil á milli stjórnenda í stórum sveitarfélögum og íbúanna í hverfunum.“

Sundurliðuð svör sýna að gatna-og vegamálin og atvinnumál draga helst úr ánægju borgarbúa.

„Þetta vekur til umhugsunar bæði viðhald vega, þrif og ekki bara vega heldur gangbrauta gangstétta og gönguleiða í borgarlandinu.“

Háskóli Íslands

Málefni leik- og grunnskólanna eru efst á blaði hjá nágrannasveitarfélögunum á höfuðborgarsvæðinu. Skipulagsmálin vega þyngst í huga borgarbúa á meðan atvinnumálin, heilt yfir, eru talin mikilvægust á landsbyggðinni.

„Vestfirðirnir og Vesturland að stórum hluta leggja mikla áherslu á þetta og reyndar Norðurland líka. Reyndar hafa Suðurnes þá sérstöðu að atvinnumálin eru ekki bara efsti flokkurinn heldur langefsti flokkurinn í hugum íbúa.“

„Vestfirðirnir eru þarna alveg klarlega og Vesturland að stórum hluta og reyndar Norðurland líka,og Suðurnes, ég gleymi þeim nú ekki og reyndar hefur Suðurnes þá sérstöðu að þar eru ativnnumálin ekki bara efsti flokkurinn heldur langefsti flokkurinn af einstökum málaflokkum í hugum íbúa.“

Það er líka áhugavert að skoða mismunand áherslur íbúa á stórhöfuðborgarsvæðinu.

„Almenningssamgöngurnar eru mikilvægar í Reykjavík, þær eru í öðru sæti þar yfir mikilvægustu málaflokkana á eftir skipulagsmálunum en almenningssamgöngur komast bara ekki á topp fimm listann hjá íbúum í öðrum sveitarfélögum á höfuðborgarsvæðinu nema í Mosfellsbæ þar sem almenningssamgöngurnar eru í 5.-6. sæti þannig að við sjáum þarna mikla sérstöðu í Reykjavík,“ sagði Rúnar Vilhjálmsson, prófessor.

Tengd skjöl


Tengdar fréttir

Andstaðan við borgarlínu mest hjá eldri karlmönnum

Ríflega 46% borgarbúa eru ýmist mjög eða frekar hlynnt borgarlínu og flestir treysta Samfylkingunni til að halda utan um samgöngumálin í borginni. Tæp 32% eru aftur á móti frekar eða mjög andvíg borgarlínu. Flestir sem setja sig upp á móti henni eru eldri karlmenn og íbúar austan Elliðaáa.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.