Flugmenn og félagar Haraldar minntust hans með svokölluðu samflugi.Sigurður Þór Helgason/DJI Reykjavík
AOPA á Íslandi, hagsmunafélag flugmanna- og flugvélaeigenda á Íslandi, stóð fyrir minningarathöfn um flugmanninn Harald Diego í gær við Þingvallavatn.
Haraldur hefði orðið fimmtugur í gær en hann lést í flugslysi í Þingvallavatni í febrúar, ásamt þremur öðrum sem voru um borð. Haraldur var formaður AOPA á Íslandi.
Minningarathöfnin var haldin við Þingvallavatn, þar sem björgunarsveitir höfðu stjórnstöð í leitaraðgerðum eftir flugslysið. Kertum og blómum var fleytt á vatnið til minningar um Harald.
Þá var einnig flogið svokallað oddaflug yfir vatnið, eins og má í meðfylgjandi myndskeiði sem Sigurður Þór Helgason frá DJI Reykjavík tók í gær.
„Loftmyndin er svolítið vanmetin í því sem hún gerir fyrir Ísland,“ segir Ragnar Axelsson ljósmyndari og flugmaður. Nýjasti þátturinn af RAX Augnablik var tileinkaður flugmanninum Haraldi Diego, sem lést í flugslysi á Þingvallavatni á flugvél sinni þann 3. febrúar síðast liðinn.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.