Innlent

„Vinnubrögð borgarinnar vonandi einsdæmi“

Berghildur Erla Bernharðsdóttir skrifar
Hilmar Örn Kolbeins hefur barist fyrir því að fá að fara aftur heim til sín í marga mánuði. Flóki Ásgeirsson lögmaður hans segir málið með eindæmum af hálfu borgarinnar.
Hilmar Örn Kolbeins hefur barist fyrir því að fá að fara aftur heim til sín í marga mánuði. Flóki Ásgeirsson lögmaður hans segir málið með eindæmum af hálfu borgarinnar. Vísir/Arnar

Lögmaður fjölfatlaðs manns sem hefur síðan í vor verið neitað um heimaþjónustu vonar að vinnubrögð Reykjavíkurborgar í málinu séu einsdæmi. Maðurinn missti pláss á hjúkrunarheimili aldraðra í gær og var vísað á spítala. Hann segir skrítið að liggja án veikinda á stofnun sem sé á neyðarstigi.

Hilmar Örn Kolbeins fjölfatlaður maður sem fagnaði samningi borgarinnar á Þorláksmessu um að hann gæti ráðið til sín starfsfólk og því snúið aftur heim af hjúkrunarheimili fyrir aldraða eftir áramót, var aftur sendur á spítala í gær. Borgin hafði fram að þeim tíma neitað honum um heimaþjónustu því hann þyrfti líka mikla heimahjúkrun. Honum tókst ekki að ráða starfsmenn á tilsettum tíma og missti plássið á hjúkrunarheimilinu í gær.  Hilmar óskaði eftir heimaþjónustu frá borginni til að brúa bilið en var neitað. 

Hilmar segir hrikalegt að vera kominn aftur á spítala. 

„Þetta er bara mjög skrítinn tilfinning, ég er ekki veikur,  ég er á spítala og þetta er bara mjög skrítin og óþægileg tilfinning. Mér þykir bara mjög leitt að borgin skuli ekki veita einhverja neyðarþjónustu meðan ég er að negla saman einhverju starfsfólki til að sinna mér. Það er ótrúlegt að  maður sé settur á spítala þar sem er neyðarástand í stað þess að það sé fundið eitthvað annað úrræði“ segir Hilmar. 

Segir réttindi þverbrotin

Flóki Ásgeirsson lögmaður Hilmars hefur unnið í máli hans síðan í maí þegar meðferð hans við legusári lauk á spítala. 

„Borgin leit svo á að hún hefði lokið sínum málum gagnvart Hilmari þegar samningurinn var undirritaður á Þorláksmessu. Það hafa engar skýringar á hvers vegna ekki sé hægt að koma á móts við hann í þessu millibils ástandi sem hann er í núna.   Einu skýringar sem hafa fengist er að nú sé kominn á þessi beingreiðslusamningur sem gerður var á Þorláksmessu og þar með sé málið í höndum Hilmars sjálfs,“ segir Flóki Ásgeirsson lögmaður hjá Magna lögmönnum.

Flóki segir  fleiri séu í sömu stöðu og Hilmar.

„Það eru því miður alltof margir en mál Hilmars hefur verið með miklum ólíkindum og vinnubrögð borgarinnar  í málinu vonandi einsdæmi,“ segir hann. 

Hann segir réttindi Hilmars þverbrotin og þeir íhugi næstu skref.

„Hingað til þrátt fyrir mikla biðlund hefur ekki tekist að koma honum heim til sín og maður spyr sig hvort það þurfi að leita til dómstóla til að fá viðunandi niðurstöðu,“ segir Flóki að lokum. 

Uppfært 4.1 2022

Fréttastofa óskaði eftir viðtali við Velferðarsvið Reykjavíkurborgar vegna málsins samdægurs og var tjáð að svör bærust síðar. 

Reykjavíkurborg hefur ákveðið í dag þann 4. janúar að svara ekki fyrirspurn fréttastofu vegna málsins á grundvelli þess að um einstaka mál sé að ræða og hún hafi því ekki leyfi til að tjá sig. 


Tengdar fréttir

Fastur á elliheimili og fær ekki að flytja heim

Fjölfatlaður 45 ára karlmaður er fastur á elliheimili því borgin neitar honum um heimaþjónustu sem hann fékk áður. Hann missir plássið eftir nokkrar vikur og veit ekki hvar hann endar. Baráttan hefur tekið sinn toll og telur hann sig hafa elst um tuttugu ár.

Fær að fara aftur heim

Fjölfatlaður maður sem hefur verið fastur á Hrafnistu mánuðum saman vegna skorts á heimaþjónustu var tilkynnt rétt fyrir jól að borgin hafi loks samþykkti að veita honum hana. Maðurinn segist ekki hafa getað fengið betri jólagjöf.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.