„Það hefur verið mikill áhugi á eignum í Ólafsvík undanfarið ár,“ segir Ingólfur Geir Gissurarson fasteignasali hjá Valhöll, sem sér um söluna á eigninni.  Húsið var byggt árið 1956 og segir Ingólfur að það sé mikið uppgert og á frábærum stað. 

Meira en fimm þúsund einstaklingar skoðuðu fasteignaauglýsinguna á fyrsta sólarhringnum, sem er margfallt meira en sambærilegar eignir.  Til samanburðar er heildarfjöldi íbúa í Ólafsvík í kringum þúsund. 

Ingólfur segir að það sé augljóst að margir séu að velta fyrir sér þeirri hugmynd að flytja á landsbyggðina. Hér fyrir neðan má sjá nokkrar myndir af þessari vinsælu eign. 

Húsið er á tveimur hæðum og skráð 169,1 fm en uppsett verð er 42.900.000 krónur.