Innlent

Gekk um með boga og örvar á Selfossi í nótt

Samúel Karl Ólason skrifar
Tilkynnt var um manninn á gangi við Tryggvatorg á Selfossi í nótt.
Tilkynnt var um manninn á gangi við Tryggvatorg á Selfossi í nótt. Vísir/Vilhelm

Maður sem var á gangi um Selfoss með boga og örvar var handtekinn í nótt. Tilkynning barst til lögreglunnar á fimmta tímanum um mann vopnaða boga og örvum á gangi við Tryggvatorg á Selfossi.

Lögregluþjónar fylgdust með honum um tíma, án þess að hann yrði þeirra var, og handtóku hann á Árvegi til móts við Hörðuvelli.

Í tilkynningu frá lögreglunni segir að maðurinn hafi ekki veitt mótþróa og hafi lagt niður vopn sín um leið og honum var skipað að gera það.

Þá segir að hann hafi verið færður í fangageymslur á Selfossi og biði þess að vera yfirheyrður um atvikið. Yfirheyrslan biði þess að ástand mannsins leyfði.

Í tilkynningunni segir að nokkur viðbúnaður hafi verið viðhafður vegna atviksins. Sérsveit ríkislögreglustjóra og sjúkraflutningamenn hafi verið settir í viðbragðsstöðu.

Ekki stendur til að veita frekari upplýsingar um málið samkvæmt tilkynningunni.

Í gær barst tilkynning um mann með boga og örvar til Lögreglunnar á höfuðborgarsvæðinu. Sá maður hafði sést í Kópavogi og var sérsveit ríkislögreglustjóra kölluð til. Þar reyndist þó maður vera við bogfimiæfingar í garði sínum.

Árborg Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið