Eftir að Sunneva Einars og Jóhanna Helga fóru af stað með þættina #Samstarf á Stöð 2+ var ýmislegt skrifað um þær á netinu. VInkonurnar settust niður og lásu upp brot af því besta.
Íslendingar hafa skrifað um þær ummæli eins og „Verstu þættir í sögu íslenska sjónvarpsins“ og „Uppblásnar bótox dollur“ og fleira.
Í helgarviðtali á Vísi fyrr í haust, sögðu þær að þættirnir væru stútfullir af þeirra húmor.
„Við tökum okkur ekki of alvarlega í þessum þáttum og vonum að áhorfendur geri það ekki heldur.“
Klippuna af stelpunum má sjá hjér fyrir neðan.
Sunneva og Jóhanna voru ekki mjög spenntar fyrir starfsþjálfuninni á flokkunarstöð Sorpu í nýjasta þættinum af #Samstarf. Þær voru þó mjög hrifnar að því að fá að fara í gegnum gáma og kassa fulla af gersemum í Góða hirðinum.
Sunneva Einars hefur aldrei séð stöðumælavörð og telur því starfsstéttina ekki vera til. Hún kemst svo sannarlega að því að það er ekki raunin þegar hún og Jóhanna bregða á leik á götum Reykjavíkurborgar í nýjasta þættinum af Samstarf á Stöð 2+.
Áhrifavaldarnir Sunneva Einarsdóttir og Jóhanna Helga Jensdóttir reyna fyrir sér í hinum ýmsu störfum víðs vegar um Ísland í þáttunum #Samstarf á Stöð 2+ efnisveitunni.
Sunneva Eir Einarsdóttir og Jóhanna Helga Jensdóttir frumsýndu í þessari viku fyrsta þáttinn af #Samstarf á Stöð 2+ efnisveitunni. Vinkonurnar eru báðar þekktar á samfélagsmiðlum og hafa alltaf viljað gera þátt saman.
