Veður

Von á næstu haustlægð í kvöld

Eiður Þór Árnason skrifar
Víða er spáð rigningu næstu daga.
Víða er spáð rigningu næstu daga. Vísir/Vilhelm

Í dag er spáð vestan og suðvestan 3 til 10 metrar á sekúndu, skýjað með köflum og stöku skúrum en sunnan 8 til 13 og bjartviðri fram eftir degi á Austurlandi. Hiti 7 til 13 stig, hlýjast austanlands.

Í kvöld er von á næstu lægð að landinu sem birtist í vaxandi suðaustanátt og rigningu í kvöld og nótt, fyrst á Suður- og Vesturlandi.

Að sögn Veðurstofunnar fara skilin svo norður yfir landið í nótt með úrkomu í öllum landshlutum. Á morgun snýst í vestan 5 til 13 metra á sekúndu en 13 til 20 sunnantil eftir hádegi og jafnvel hvassara í vindstrengjum undir Mýrdalsjökli og í kringum Öræfajökul. Rigning með köflum en þurrt að kalla austast.

Veðurhorfur á landinu næstu daga

Á mánudag: Vestan og norðvestan 8-13 m/s, en 13-18 með suðurströndinni. Víða rigning, en þurrt á Suðausturlandi og Austfjörðum um kvöldið. Hiti 6 til 14 stig, hlýjast suðaustanlands.

Á þriðjudag: Norðlæg átt 5-13 m/s og rigning í flestum landshlutum. Líkur á slyddu um norðanvert landið, en styttir upp sunnantil. Kólnandi veður.

Á miðvikudag (haustjafndægur): Norðvestan 8-15 m/s og rigning eða slydda norðanlands, en hægari og þurrt um landið sunnanvert. Hiti frá 2 stigum fyrir norðan, upp í 9 stig með suðurströndinni.

Á fimmtudag: Ákveðin norðvestanátt með rigningu eða slyddu á Norður- og Austurlandi, en bjartviðri sunnan- og vestanlands. Hiti breytist lítið.

Á föstudag: Norðaustlæg átt og dálitlir skúrir eða slydduél norðaustantil á landinu, en rigning með köflum sunnanlands. Svalt í veðri.

Á laugardag: Útlit fyrir stífa norðlæga átt með skúrum eða slydduél norðanlands en bjartviðri syðra.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.