Lífið

Oddvitaáskorunin: „Ágústa segir að ég sé hamfarakokkur“

Samúel Karl Ólason skrifar
_00A3140

Vísir stendur fyrir Oddvitaáskoruninni 2021 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum.

Guðlaugur Þór Þórðarson leiðir lista Sjálfstæðisflokksins í Reykjavíkurkjördæmi norður í kosningunum.

„Ég heiti Guðlaugur Þór Þórðarson og er maðurinn hennar Ágústu eins og þekkt er orðið. Ég á fjögur börn en Ágústa á tvö frá fyrra hjónabandi. Ég á þrjú barnabörn.

Ég hef mörg áhugamál sem ég sinni mislítið. Við búum í Grafarvogi.“

Hér má sjá stutt myndband frá Guðlaugi þar sem hann segir meðal annars frá áhuga sínum á matargerð.

Klippa: Oddvitaáskorun - Guðlaugur Þór Þórðarson

Hver er fallegasti staðurinn á Íslandi?

Af mörgu að taka. Held ég nefndi hálendið, þá sérstaklega fjallabaksleiðirnar.

Hvað færðu þér í bragðaref?

Fæ mér aldrei bragðaref :)

Uppáhalds bók?

Ætli ég nefni ekki bara Egilssögu.

Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla)

Hef gaman af Abba. Telst það með í þessu?

Hvar á Íslandi myndir þú helst vilja búa? (Ekki í þínu kjördæmi)

Mér líður vel víða ætli ég nefni ekki Skaftártungu.

Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi.

Nei það var nóg að gera í Covid.

Hvað tekur þú í bekk?

Tók einu sinni 100 kg. Ok.

Burstar þú tennurnar fyrir eða eftir morgunmat?

Borða ekki morgunmat.

Draumastarfið? (Fyrir utan þingsetu)

Góð spurning ætli ég myndi ekki vilja vera sjálfs míns herra.

Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi?

„Kim, ertu ekki orðinn leiður á þessu?“

Uppáhalds tónlistarmaður?

Freddie Mercury.

Besti fimmaurabrandarinn?

Man þá ekki stundinni lengur. Þarf að tala við Valda Svavars ef ég vil fá fimmaurabrandara. Nóg til þar :)

Ein sterkasta minningin úr æsku?

Af nógu að taka.

Hver er fyrirmynd þín í pólitík?

Ólafur Thors, Winston Churcill, Ronald Reagan, Margret Thatcher, Nelson Mandela, Abraham Lincoln

Besta íslenska Eurovision-lagið?

Er ekki mikill Eurovion maður. Er enn að vinna úr Gleðibanka úrslitunum.

Besta frí sem þú hefur farið í?

Ætli ég nefni ekki húsaskipti í Texas með fjölskyldunni. Höfðum nægan tíma og ferðuðumst mikið um Bandaríkin.

Uppáhalds þynnkumatur?

Mikið feitmeti, Beikon, bearnaise kemur í hugann þó ekki saman.

Hve oft hefur þú farið að sjá eldgosið?

Ekki ennþá farið. Er ég sá eini sem á eftir að sjá það?

Uppáhalds Fóstbræðraatriði?

Afinn kemur í hugann.

Uppáhalds uppátækið frá framhaldsskólaárunum?

Nefni þegar við keyptum saman húsbíl til að útskrifast. Skemmtileg fjárhagsleg áhætta sem slapp fyrir horn.

Rómantískasta uppátækið?

Bað konunar um aldamótin, já nákvæmlega um aldamótin þar sem við vorum í sumarbústað í Borgarfirði. Það var ískalt við vorum í potti og en ég var ekki í honum þegar ég bar upp bónorðið, frekar en neinu öðru. Ef hún hefði tekið sér langan umhugsunartíma hefði ég væntanlega orðið úti. En hún sagði sem betur fer já.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.