Kvöldfréttir Stöðvar 2

Fjallað verður nánar um málið í kvöldfréttum Stöðvar 2. Einnig verður rætt við framkvæmdastjóra Hörpu í beinni útsendingu um nýjar reglur sem tóku gildi í dag en nú mega fimm hundruð manns koma saman á viðburðum gegn neikvæðu covid-prófi.

Framkvæmdir hófust við næst stærstu byggingu nýs Landspítala í dag þar sem allar rannsóknarstofur hans munu sameinast undir einu þaki. Heilbrigðisráðherra og forstjóri spítalans segja nýbyggingar hans eiga eftir að valda byltingu í starfsemi hans.

Mikil óánægja ríkir hins vegar á meðal sérnámslækna í geðlækningu vegna uppbyggingarinnar. Ekki er gert ráð fyrir nýju húsnæði fyrir geðsviðið þrátt fyrir að sum húsa geðdeildanna séu aldargömul og húsnæðisvandi sé mikill. Fjallað verður nánar um málið í kvöldfréttum.

Þetta og margt fleira á samtengdum rásum Bylgjunnar og Stöðvar 2 klukkan hálf sjö.