Tónlist

Staðfesta þátttöku í Eurovision 2022 og leita að næsta framlagi Íslands

Sylvía Rut Sigfúsdóttir skrifar
Daði og Gagnamagnið á sviði.
Daði og Gagnamagnið á sviði. RÚV

RÚV hefur nú staðfest þátttöku í Eurovision-keppninni sem haldin verður á Ítalíu í maí á næsta ári. Samkvæmt tilkynningu frá RÚV verður aftur leitað til vinsælla og reyndra höfunda en allir geta sótt um.

Íslenska undankeppnin, Söngvakeppnin, verður haldin í febrúar 2022 en þá kemur í ljós hver verður fulltrúi Íslands í Eurovision 2022 og fylgir eftir frábæru gengi Daða og Gagnamagnsins sem endaði í fjórða sæti í Rotterdam í vor. 

Eurovisionlög Daða, Think about things og 10 years, hafa nú verið spiluð samtals yfir 110 milljón sinnum á Spotify og um fjörutíu milljón sinnum á Youtube. Nú hefur verið opnað fyrir innsendingar laga í Söngvakeppnina 2022 á slóðinni songvakeppnin.is. 

Umsóknarfrestur rennur út á miðnætti miðvikudaginn 6. október næstkomandi og í janúar á næsta ári verður svo tilkynnt hvaða lög taka þátt.

„Tíu lög komast í keppnina og verða þau valin með sama hætti og í fyrra. Öllum gefst kostur á að senda inn lög, sem sérstök valnefnd, skipuð fulltrúum FTT, FÍH og RÚV gefur umsögn um. Einnig verður leitað til reyndra og vinsælla lagahöfunda um að semja nokkur laganna,“ segir í tilkynningunni.

Daði og Gagnamagnið spila upptöku af æfingu aftur í úrslitunum á laugardaginn.@dadimakesmusic

Undanúrslitin fara fram 12. og 19. febrúar og verður úrslitakvöldið laugardaginn 26. febrúar þar sem fjögur lög keppast um að verða framlag Íslendinga í Eurovision 2022. Sem fyrr áskilur framkvæmdastjórn keppninnar sér þó leyfi til að hleypa „einu lagi enn“ áfram í úrslitin en þá myndu fimm lög keppa til úrslita á lokakvöldinu. 

Erlendar Eurovision-stjörnur munu koma fram í úrslitakeppninni hér á landi. Á síðustu árum hafa erlendar stórstjörnur úr Eurovision heiminum troðið upp í Höllinni á úrslitakvöldinu, Eleni Foureira, Alexander Rybak, Loreen, Robin Bengtsson, Måns Zelmerlöw og fleiri. Á því verður engin breyting í ár. 

„RÚV og framkvæmdastjórn keppninnar hvetja alla laga- og textahöfunda landsins til að senda inn lög og halda þannig áfram að móta tónlistarsögu Íslands. Söngvakeppnin snýst um fjölbreytni og eru allar tónlistartegundir velkomnar.“ 


Tengdar fréttir

Aldrei verið með plan B

Pálmi Ragnar er í fullu starfi sem útgefandi og „producer“ og hefur verið það síðan hann hætti í sumarstarfi sem flugþjónn árið 2016. Hann hefur þó verið að vinna að tónlist síðan í menntaskóla. Pálmi segir að hann sé aldrei með plan B, tónlistin sé alltaf eina áherslan.

Seinheppni Árnýjar og Daða Freys heldur áfram

Eurovision-parið Árný Fjóla Ásmundsdóttir og Daði Freyr Pétursson þarf að finna sér nýtt húsnæði sem allra fyrst í Berlín í Þýskalandi. Stóra lekamálið í íbúð þeirra hefur dregið dilk á eftir sér.

Hatrið sigraði á norskri kvikmyndahátíð

Heimildarmyndin A Song called Hate bar sigur úr býtum á norsku kvikmyndahátíðinni Oslo Grand Pix sem fór fram um helgina. Myndin sigraði í flokknum besta norræna heimildarmyndin.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.