Veður

Skýjað og súld sunnan- og vestan­lands

Atli Ísleifsson skrifar
Spáin gerir ráð fyrir að það verði skýjað sunnan- og vestantil á landinu í dag.
Spáin gerir ráð fyrir að það verði skýjað sunnan- og vestantil á landinu í dag. Vísir/Vilhelm

Reikna má með áframhaldandi hægum vindi og þurrki á norðausturhluta landsins en sunnan þrír til átta metrar á sekúndu, skýjað og súld með köflum sunnan- og vestanlands.

Á vef Veðurstofunnar segir að líkt og algengt er í suðlægum áttum verði þó heldur vindasamara á norðanverðu Snæfellsnesi. Hiti á landinu verður tólf til nítján stig þar sem hlýjast verður austanlands.

„Í kvöld og nótt er síðan vaxandi suðaustanátt með rigningu vestast á landinu. Sunnan og suðaustan 5-13 m/s á morgun en 13-18 í vindstrengjum á norðvestanverðu landinu. Rigning með köflum en bjartviðri á Norðaustur- og Austurlandi.“

Spákortið fyrir klukkan 15 í dag.Veðurstofan

Veðurhorfur á landinu næstu daga

Á föstudag og laugardag: Sunnan 8-15 m/s og rigning á vesturhelming landsins, en hægari vindur og bjart með köflum austantil. Hiti 10 til 18 stig, hlýjast norðaustanlands.

Á sunnudag: Suðaustlæg átt og rigning með köflum sunnan- og vestanlands, en lengst af þurrt norðaustantil. Hiti 10 til 18 stig, hlýjast á Norðausturlandi.

Á mánudag: Vestlæg átt og væta sunnan- og vestanlands en þurrt að kalla eystra. Hiti breytist lítið.

Á þriðjudag: Sunnanátt og rigning á víð og dreif, en léttskýjað á Norðausturlandi.

Á miðvikudag: Útlit fyrir suðvestlæga átt og dálitlar skúrir, en bjart austantil.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.