Þórólfur Guðnason skilaði tveimur minnisblöðum til heilbrigðisráðherra í gær.Vísir/Vilhelm
Þórólfur Guðnason sóttvarnalæknir hefur sent heilbrigðisráðherra tillögur um breytingar á samkomutakmörkunum innanlands. Ætla má að ríkisstjórnin ræði þær á fundi sínum í fyrramálið.
Það er vika eftir af júní og þar með af fresti stjórnvalda til að aflétta öllum samkomutakmörkunum innanlands ef marka má afléttingaráætlun heilbrigðisráðuneytisins, sem kynnt var í apríl.
Mbl.is greindi frá tillögunum nýju.
Svandís Svavarsdóttir heilbrigðisráðherra hefur sagt að enn sé stefnt að því að aflétta öllum takmörkunum í lok mánaðar.
Þórólfur hefur ekki viljað tjá sig um efni tillagna sinna. Enn eru í gildi takmarkanir á samkomum innanlands, svo sem grímuskylda á sitjandi viðburðum, 300 manna hámark leyfilegs fjölda og skertir afgreiðslutímar á skemmtistöðum.
Heilbrigðisráðherra hefur ákveðið að fella úr gildi ákvæði reglugerðar sem kveður á um forgangshópa. Samkvæmt áætlun eiga allir þeir sem skilgreindir eru í forgangshópum að vera búnir að fá boð í bólusetningu í lok þessarar viku.
Hlutfall fullorðinna Íslendinga sem eru ónæmir fyrir Covid-19 er komið upp í 78,1%, þ.e. þeirra sem eru annaðhvort komnir með fyrsta skammt bóluefnis eða ónæmi vegna sýkingar.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
