Svuntufoss fellur niður í botn Patreksfjarðar.vísir
Karlmaður drukknaði í dag við Svuntufoss í Ósá fyrir botni Patreksfjarðar. Maðurinn var á miðjum aldri en hann hafði ætlað sér að fara út í hyl undir fossinum.
Í tilkynningu frá Lögreglunni á Vestfjörðum segir að slysið hafi orðið á tólfta tímanum í morgun.
Mikill straumur reyndist í hylnum og virðist maðurinn hafa misst fótanna og lent í sjálfheldu í straumnum og fest um stund þar til nærstaddir komu honum til hjálpar.
Hann hafði þá misst meðvitund og hófu þau sem voru á staðnum endurlífgunartilraunir. Þeim var haldið áfram þar til maðurinn hafði verið fluttur með þyrlu á sjúkrahús í Reykjavík þar sem hann var úrskurðaður látinn.
Rannsókn lögreglu á tildrögum slyssins er í höndum lögreglunnar á Vestfjörðum og segir hún að ótímabært sé að greina frá nafni mannsins. Fjölskyldu hans hefur verið tilkynnt um andlátið.
Þyrla Landhelgisgæslunnar var kölluð út til að flytja útivistarmann frá Vestfjörðum og á Landspítalann á öðrum tímanum í dag.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
