Ivan Toney skoraði fyrsta mark leiksins strax á tíundu mínútu úr vítaspyrnu eftir að markvörður Swansea hafði brotið á Bryan Mbeumo.

Emiliano Marcondes skoraði annað mark Brentford tíu mínútum síðar eftir stoðsendingu frá Mads Roersle og staðan 2-0 þegar flautað var til hálfleiks.

Jay Fulton fékk að líta beint rautt spjald á 65.mínútu og Swansea því manni færri í rúmlega hálftíma. 

Ekki var meira skorað í leiknum í dag og Brentford tryggði sér því sæti í ensku úrvalsdeildinni á næsta tímabili. 

Mikil fagnaðarlæti brutust út í lok leiks, en þau má sjá ásamt mörkunum í spilaranum hér að neðan.