Öruggur sigur og Real heldur í vonina

Real Madrid vann 4-1 útisigur á Granada í kvöld er liðin mættust í La Liga, spænsku úrvalsdeildinni. Þar með halda lærisveinar Zinedine Zidane enn í vonina um að stela titlinum af nágrönnum sínum í Atlético.

Luka Modric kom Real yfir strax á 17. mínútu og Rodrygo tvöfaldaði forystuna undir lok fyrri hálfleiks. Þeir Miguel Gutierrez og Marvin fengu óvært tækifæri í byrjunarliði Real í kvöld og lögðu þeir upp fyrstu tvö mörk leiksins.

Síðari hálfleikur var rólegur framan af en Jorge Molina minnkaði muninn fyrir Granada þegar tæpar tuttugu mínútur lifðu leiks. Gestirnir svöruðu með tveimur mörkum stuttu síðar. Alvaro Odriozola kom Real í 3-1 og Karim Benzema gulltryggði sigurinn skömmu síðar.

Lokatölur 4-1 og Real Madrid því komið upp í 2. sæti La Liga þegar tvær umferðir eru eftir. Real er með 78 stig en Atlético er á toppnum með 80 stig. Þá er Barcelona í 3. sæti með 76 stig.

Spænski boltinn, La Liga, er á Stöð 2 Sport en upplýsingar um útsendingar má finna hér. La Liga er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.