Aguero hefði getað tvöfaldað forystu Man City gegn Chelsea í uppbótartíma fyrri hálfleiks, aðeins nokkrum sekúndum eftir að Raheem Sterling hafði komið Man City í forystu.
Í staðinn fóru heimamenn með eins marks forystu í leikhléið eftir að Aguero ákvað að vippa boltanum beint í hendurnar á Edouard Mendy. Forystu sem Chelsea tókst að brjóta á bak aftur og vinna leikinn 1-2.
I would like to apologise to my teammates, staff and supporters for missing the penalty. It was a bad decision and I take full responsibility.
— Sergio Kun Aguero (@aguerosergiokun) May 8, 2021
„Ég vil biðja liðsfélaga mína, þjálfarateymið og stuðningsmenn afsökunar á að hafa klúðrað vítaspyrnunni. Þetta var slæm ákvörðun og ég tek fulla ábyrgð á henni,“ sagði Aguero á Twitter í kvöld.
Sigur hefði tryggt Man City Englandsmeistaratitilinn en Aguero, sem er einn besti leikmaður í sögu félagsins, mun yfirgefa Man City í sumar eftir tíu farsæl ár í Manchester.
