Innlent

Sprengisandur á Bylgjunni

Sylvía Hall skrifar
Sprengisandur hefst klukkan 10.
Sprengisandur hefst klukkan 10.

Sprengisandur er á dagskrá á Bylgjunni frá klukkan 10 til 12 í dag.

Gylfi Zoega hagfræðiprófessor er fyrsti gestur dagsins. Hann mun ræða verðbólgu, vexti, atvinnuleysi, skuldir og hvernig skal spila úr spilunum í hagkerfinu á næstu mánuðum.

Drífa Snædal, forseti Alþýðusambandsins, er næst á eftir Gylfa og ræðir yfirskrift Baráttudags verkalýðsins sem var í gær, en hún var „Það er nóg til“.  Farið verður yfir kosningarnar í haust og sýn Alþýðusambandsins á þær. 

Um 11 koma þau Hanna Katrín Friðriksson, þingkona, Sigríður Dögg Auðunsdóttir, nýkjörinn formaður Blaðamannafélags Íslands og Halldór Benjamín framkvæmdastjóri SA og ætla að ræða fullyrðingu seðlabankastjóra um að hagsmunahópar stjórni landinu og það sé ekkert grín að lenda upp á kant við þá.

Flóki Ásgeirsson lögmaður kemur svo síðastur. Hann rak mál Erlings Smiths, fatlaðs manns í Mosfellsbæ sem sveitarfélag vistaði á hjúkrunarheimili gegn óskum hans og neitaði um NPA - notendastýrða persónulega aðstoð - af því það stóð í deilum við ríkið. 

Málið fór fyrir dóm og Erling vann en hvað þýðir sá dómur og hverju breytir hann? Heilmiklu að því er virðist, ekki bara í þessu máli heldur mörgum öðrum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×