Kvöldfréttir Stöðvar 2

Við ræðum þá við ferðamenn sem gerðu sér ferð að eldstöðvunum í dag þrátt fyrir nístingskulda. Nokkrir þeirra voru ferðamenn sem voru nýkomnir til landsins og áttu að vera í sóttkví. Þorvaldur Þórðarson prófessor í eldfjallafræði ræðir við okkur í beinni útsendingu um eldgosið á Reykjanesskaga og nýju sprungurnar sem hafa myndast á síðustu dögum. Hann sat fund vísindaráðs almannavarna í dag sem stóð óvenju lengi.

Við fjöllum þá um styttingu leiðarinnar á milli Ísafjarðar og Reykjavíkur. Hún verður að veruleika með samningi um þverun Þorskafjarðar. Í kvöldfréttum segjum við líka frá íslenskum kafara sem kvikmyndaði loðnutorfu í síðasta mánuði með því að kafa sjálfur niður í torfuna. Uppátækið þykir einstakt. 

Þetta og margt fleira í kvöldfréttum á samtengdum rásum Stöðvar 2 og Bylgjunnar á slaginu 18.30.