Enski boltinn

Barkl­ey hetja Villa en Ings nærri því að bjarga stigi fyrir í upp­bótar­tíma

Anton Ingi Leifsson skrifar
Ross Barkley tekur flugvélina eftir að hafa skorað sigurmarkið.
Ross Barkley tekur flugvélina eftir að hafa skorað sigurmarkið. Gareth Fuller/Getty

Aston Villa vann 1-0 sigur á Southampton í síðasta leik dagsins er liðin mættust á St. Mary’s í kvöld. VARsjáin kom Aston Villa til bjargar undir lok leiks.

Fyrsta og eina mark leiksins kom á 41. mínútu. Eftir góða fyrirgjöf Jack Grealish þá var Ross Barkley einn á auðum sjó og stangaði boltann í netið.

Southampton skoraði þó á 94. mínútu. Danny Ings kom boltanum í netið eftir darraðadans en eftir niðurstöðu VAR var hann hárfínt rangstæður. Lokatölur 1-0.

Aston Villa er í áttunda sæti deildarinnar með 32 stig eftir nítján leiki, þremur stigum frá fimmta sætinu og eiga þeir leik til góða á flest lið deildarinnar.

Southampton er í ellefta sætinu með 29 stig.

Enski boltinn

Mest lesið


Fleiri fréttir

Sjá meira


×

Mest lesið