Gáfu forseta Íslands Alþingishátíðarstell frá 1930

Um er að ræða Alþingishátíðarstell sem verður varðveitt á Bessastöðum. Hátíðarstellið var framleitt í tilefni Alþingishátíðarinnar 1930 þegar þess var minnst að þúsund ár töldust frá stofnun Alþingis á Þingvöllum.

Vorið 2018 gáfu börn og aðrir vandamenn Gísla Konráðssonar og Sólveigar Axelsdóttur stell sömu gerðar og er það nýtt á Staðastað, skrifstofu embættisins við Sóleyjargötu í Reykjavík.

Á vef Forseta Íslands segir að Áslaug og Ragnar hafi áður komið færandi hendi til Bessastaða. Á fullveldisdaginn 1. desember 2010 afhentu afkomendur Ragnars Ásgeirssonar (bróður Ásgeirs Ásgeirssonar forseta) embætti forseta og Þjóðminjasafninu skrifpúlt Sveinbjarnar Egilssonar, skálds og kennara við Bessastaðaskóla.

Ragnar keypti púltið á sínum tíma af Einari Benediktssyni skáldi en síðar var það í eigu Ragnars Önundarsonar, systursonar hans. Skrifpúltið stendur nú á efri hæð Bessastaðastofu.