Göngumaður slasaðist á fæti við gosstöðvarnar

Mjög mikil umferð af fólki var við gosstöðvarnar á Fimmvörðuhálsi í gær. Lögreglan á Hvolsvelli segir að dagurinn hafi gengið vel, en í nótt hafi rúta á leið út úr Þórsmörk fest sig í á og situr rútan þar enn.

Hópur af fólki var í rútunni en það var flutt með öðrum farartækjum til Reykjavíkur. Litlar takmarkanir eru á því hvert fólk getur farið við gosstöðvarnar og nágrenni þeirra, en þó er lokað inn í Hrunagil og Hvannárgil þar sem fólki stafar hætta af eiturgufum frá gosinu. Lögreglan er einnig með vörð við gönguleiðina að Morinsheiði en ekki er talið óhætt að hleypa fólki þangað upp. Björgunarsveitarmenn standa einnig vakt upp á jöklinum til að aðstoða fólk ef á þarf að halda. En í gær slasaðist einn maður líttilega á fæti og var þyrla sem var á svæðinu notuð til að flytja manninn niður af jöklinum.

Nú um páskana er mannmargt í sumarbústaðarbyggðum í nágrenni Langjökuls. Lögregla býst við að margt fólk leggi leið sína upp að fimmvörðuhálsi í dag, en í morgun var stillt og bjart veður á Hvolsvelli en átta stiga frost. Það er því rétt að brína fyrir fólki að búa sig vel.