Innlent

Allt að 3500 manns skoðuðu gosið

Jón Hákon Halldórsson skrifar
Um 3000 - 3500 manns voru á Fimmvörðuhálsi í gær til þess að skoða gosið, að því er lögreglan á Hvolsvelli áætlar.

Um 500 bílar voru þar auk hjóla og sleða. Lögreglan segir að umferðin hafi ekki farið að streyma niður fyrr en um tíuleytið í gærkvöld. Þá hafi umferð tekið að streyma á gosstöðvarnar strax um sjöleytið í morgun.

Gæsla er á svæðinu allan sólarhringinn. Að henni koma lögreglumenn og björgunarsveitarmenn á vegum Slysavarnafélagsins Landsbjargar.

Lögreglan segir að í kílómetraradíus í kringum gosstöðvarnar sé algert bannsvæði og einnig vestanmegin við gosið. Svæðið í 5 kílómetraradíus við gosstöðvarnar er skilgreint sem hættusvæði. Heimilt er að fara út frá Þórsmörk uppá Morinsheiði en bannað er að fara upp á Bröttufönn og Heljarkamb.

Lögreglan brýnir það fyrir fólki að fara að fyrirmælum lögreglu og björgunarsveita sem standa vakt á svæðinu.











Mest lesið


Fleiri fréttir

Sjá meira


×

Mest lesið