Reyndi að selja Villtu-vinna-milljarð-stjörnu

Faðir Rubinu Ali, sem sló í gegn sem litla sæta stelpan í kvikmyndinni, Villtu vinna milljarð, reyndi að selja dóttur sína til Saudi arabísks sjeiks fyrir tvö hundruð þúsund pund.

Faðir stúlkunnar heitir Rafiq Qureshi og býr með fjölskyldunni í hinu alræmda slömmi, Bandra, í Indlandi. Upp komst um föður hennar þegar fréttamaður frá News of the worlds dulbjó sig sem arabískur sjeik.

Faðir Rubinu bauðst til þess að gefa hana til ólöglegrar ættleiðingar fyrir tvöhundruð þúsund pundin. Hann sagði stúlkuna sérstaka, „hún er óskabarn," eins og hann orðaði það með tilvísun í óskarsverðlaunin sem kvikmyndin hlaut.

Rubina er níu ára gömul.