Megan Fox er kynþokkafyllsta kona í heimi

Megan Fox, stjarnan úr Transformers, hefur verið valin kynþokkafyllsta kona heims af lesendum FHM. Hún hefur þar með skotist upp fyrir Cheryl Cole úr Girls Aloud. Samkeppnin sem Megan óttast mest er hins vegar sú sem Angelina Jolie veitir henni. „Hún er öflug manneskja, hún gæti étið mig lifandi," segir Megan.

Megan þvertekur fyrir sögusagnir um að hún ætli að taka að sér hlutverk Ofurkonunnar í væntanlegri kvikmynd. „Hún er hallærisleg. Hún flýgur um í ósýnilegri þotu en er sjálf ekki ósýnileg. Ég skil það ekki," sagði Megan í samtali við FHM.

Megan leikur Mikaela Banes í Transformers 2: Revenge Of The Fallen sem væntanleg er í kvikmyndahús.