Vilja fjölbreyttara atvinnulíf á Vestfjörðum

Ísfirðingar vilja aukna fjölbreytni í atvinnulífinu og horfa í ríkara mæli til háskóla og háskólasamfélags. Þó vantar fólk í vinnu í iðngeiranum og í fiskvinnslu.

Þetta er meðal þess sem kom fram á kynningarfundi um stefnumótun atvinnumála í Ísafjarðarbæ, sem haldin var á Ísafirði í gær. Á fundinum var kynnt atvinnumálastefna bæjarfélagsins fram til ársins 2010 og kynntar voru niðurstöðum úr nýjustu atvinnumálakönnun Ísafjarðarbæjar.

Shiran Þórisson, markaðsráðgjafi Atvinnuþróunarfélags Vestfjarða, segir stefnu bæjarfélagsins vera að hlúa að grunnatriðum í atvinnulífinu samhliða því að beina sjónum að nýjum tækifærum. Stefnan sé höfð þannig svo hægt sé að breyta og bæta við verkefnum, allt eftir því hvernig aðstæður séu hverju sinni. Hann segir miklar kröfur meðal íbúa um að samgöngur séu í lagi og það sé eitthvað sem ávallt sé mikið talað um, í tengslum við atvinnumál á svæðinu.