Lífsýni úr grænlenska skipverjanum sem hefur verið í gæsluvarðhaldi undanfarnar vikur vegna gruns um aðild að dauða Birnu Brjánsdóttur tengja hann beint við Birnu.
Þetta staðfesti Jón H.B. Snorrason, aðstoðarlögreglustjóri hjá lögreglunni á höfuðborgarsvæðinu, í samtali við fréttastofu síðdegis.
Maðurinn var í dag úrskurðaður í áframhaldandi fjögurra vikna gæsluvarðhald á grundvelli almannahagsmuna sem þýðir að hann er nú undir sterkum grun um að hafa banað Birnu.
Maðurinn neitar enn sök hvað það varðar en hann hefur nú játað aðild sína um vörslu á 23,4 kílóum af hassi sem fannst um borð í togaranum Polar Nanoq.
Lífsýni úr skipverjanum tengja hann beint við Birnu
Tengdar fréttir
Minnir á að skipverjinn er saklaus þar til sekt er sönnuð
"Þessi regla þjónar mikilvægu hlutverki sem sýnir sig helst á viðsjárverðum tímum,“ segir verjandi skipverjans á Polar Nanoq sem grunaður er um að hafa ráðið Birnu Brjánsdóttur bana.
Niðurstöður úr rannsóknum á lífsýnum farnar að berast lögreglunni
Niðurstöður úr rannsóknum á lífsýnum sem send voru erlendis vegna rannsóknarinnar á máli Birnu Brjánsdóttur eru teknar að berast lögreglu hér á landi. Þetta segir Grímur Grímsson, yfirlögregluþjónn sem stýrir rannsókninni, í samtali við Vísi.
Skipverjinn í fjögurra vikna varðhald
Maðurinn sem grunaður er um að hafa ráðið Birnu Brjánsdóttur bana í janúar síðastliðnum var í Héraðsdómi Reykjaness í dag úrskurðaður í fjögurra vikna gæsluvarðhald.
