Innlent

Staðfest smit orðin 963

Andri Eysteinsson skrifar
Staðfestum smitum vegna kórónuveirunnar heldur áfram að fjölga.
Staðfestum smitum vegna kórónuveirunnar heldur áfram að fjölga. Vísir/Vilhelm

Staðfest smit vegna kórónuveirunnar er nú orðin 963. Smitum hefur því fjölgað um 67 frá því í gær þegar þau voru 896.

Á upplýsingasíðunni covid.is kemur fram að nú séu rétt undir 10 þúsund manns í sóttkví en um 3.991  hafa lokið sóttkví. Þá hafa verið tekin 14.635 sýni.

18 eru á sjúkrahúsi þar af 6 á gjörgæslu.  97 hefur batnað.

Líkt og undanfarnar vikur verður upplýsingafundur almannavarna og landlæknis klukkan 14:00 í dag. Fundurinn verður í beinni útsendingu hér á Vísi.

Víðir Reynisson yfirlögregluþjónn og Alma D. Möller landlæknir munu fara yfir stöðu mála með tilliti til COVID-19 hér á landi.

Regína Ásvaldsdóttir, sviðsstjóri velferðarsviðs Reykjavíkurborgar, er gestur fundarins í dag. Hún mun ræða þau verkefni sem velferðarsvið borgarinnar vinnur að vegna COVID-19.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið