Rann­saka al­var­lega líkams­á­rás í Borgar­nesi

Lögregla á Vesturlandi rannsakar nú alvarlega líkamsárás sem gerð var í Borgarnesi á mánudagskvöld. Tveir voru fluttir á sjúkrahús eftir árásina, meintur árásarmaður og þolandi.

Jón Ólason yfirlögregluþjónn hjá lögreglu á Vesturlandi segir rannsókn málsins í fullum gangi og á viðkvæmu stigi. Hann hefur ekki nákvæmar upplýsingar um líðan mannanna en bendir á að þeir liggi báðir á sjúkrahúsi og áverkar því alvarlegir.

Jón segir ekki liggja fyrir hvort farið verði fram á gæsluvarðhald yfir grunuðum árásarmanni. Þá þekkir Jón ekki hvort mennirnir tengist.